حارستي الشخصية🗽مكتملة🗽

🗽الجزء 14🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 14:

دخلت ميراي لبيت وهي كتشوف فيه قدو قد سخط...

ميراي:قالك خافت،كون كنت انا كنت بني دار خرى وسطو...

بتاسمت بسخرية وهي تشوف فيها ايملي مستغربة...

ايملي:سوري!قلتي شي حاجة؟

ميراي:"بدريجا" تعلمي لعربية لا باغا تهدري معايا...

ايملي:واات؟

دخل غالي وهو يشوف فيهم...سد الباب دخل وهو يشوف في ميراي...

غالي:سيري لدارك،غذا بلاما تجي ماخرجش...

ميراي:لهلا...

هدرت بسخريا وشافت في ايملي ماعرفتش مالها معاها ولكن ماحملتهاش...مشات خرجت بحالها...رجعت لدارهم وهي دخل وشافت في اسية لي جالسة كتفرج في تلفازة وكافية ضواو...شعلت ضو وهي دخل...شافت فيها اسية بنص عين...

اسية:را عشاك في االكوزينة...

مشات ميراي هزت الكوكوط ردتها تسخن وحطت ليها في طبسيل وهزت الخبز ودخلت لصالون وبركت كتاكل...شافت فيها اسية وشافت في تلفازة...

اسية:داك شي علاش مابقيتيش كتجيبي طاكسي وتجيبي طنوبيل...فاش خدمتي...

ميراي:"شافت قدامها كتمضغ" بديگارد...

شافت فيها اسية...

أسية:حسن من طاكسي هكا مايبقى حتى واحد يحتاقرك...

ميراي:"شافت فيها" نتي كنتي قاطعة معايا الهدرة بسباب هاد شي،دبا رتاحيتي...

اسية"شافت في تلفازة وهدرت بحزن" انا فقط مابغيتكش تخدمي وتكرفصي علينا،انا قادة براسي...

ميراي:مين قادة برااسك مين...شكون يصرف علك بسلامة...باك عندو دارو وحياتو كيسيفط كل شهر جوج فرانك لمك مايقدوها حتى تخلص الضو،ولا خوك حتى هو لي هداك بوحدو غارق في كريديات فرنك لخر ماتشديه منو...شكون يصرف علك...

اسية:"شافت فيها" انا غادي نصرف على راسي ونخدم على راسي...

ميراي:"ضربت على طابلة مخنزرة" غديها في قرااااايتك حسنننن لكككك كتفهمي...

اسية:انا خرجت...

ميراي:"بصدمة"كفااااش؟

اسية:مانكملش لاليسونس...

ميراي:كفاش ماتكمليش؟ياك جيتي من 5أوائل...

اسية:"هزت كتافها وطاحو دموعها" غنتزوج...مانبقاش هنا عالة علك وعلى ماما...

مسحت ميراي يديها وجلست حداها وقلبتها حتى ولات قبالتها...

ميراي:نتي لي راك ختي الوحيدة...را لي كنديرو دبا كلو على قبلك نتي وماما...ماشي عالة فهميها وخا..