حارستي الشخصية🗽مكتملة🗽

🗽الجزء 172🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء172:

شدتها ميراي من شعرها..

ميراي:خطاافت رجااال...

مارسلين:طلقيي طلقي مني...

بدات ميراي تنتف وتقول مانتفت حتى تجمعو عليهم الناس وهو ينزل غالي شافها خرج عينيه...مشا دغيا جرها هازها من خصرها ولكن هي مزال شاداها من شعرها...

غالي:ميراااااااي...

غوت عليها غالي حتى طلقت من البنت وهو بقا هازها وتم غادي بيها حتى بعدها وحطها في أرض...شاف في مارسلين لي وجهها ولا حالتو حالة وشاف فيها وشدها من يدها مطلعها...دخل بيها البيت وهي رجعت شعرها ورا وذنها ونزلت عينيها من عينيه مخنزرين...

غالي:علاش درتي هكاك بالبنت..."بغوات" ميراااي هدري...

ميراي:"شافت فيه وهدرت بعصبية ووجهها بدا يحمار" حتاااش جااات كتقول ليا بلي نتا كتبغيها وماكتبغينيش...وبلي غير كدوز بيا الوقتت...

وقفت من الكلام وهي كترجع في أنفاسها وعطاتو بالضهر وعينيها دمعو...

ميراي:حاسة بالحگرة هيء هيء...

طاحو دموعها كي لؤلؤ على خدودها محجرين وهو تنهد ووقرب عنقها من لاور حاكمها وحط خدو على خدها...

غالي:لا عاودت لك قصتي غتقبليها اميراي..

ميراي:دبا مابقا علاش...مابقا لاش نعرفها..

بغات تبعد عليه ولكن زاد ورك عليها وغمض عينيه..

غالي:كنا حنا تلاتة...كليكة مع بعضياتنا من زمان دراساتنا لإدارة أعمال...انا ومارسلين وستيفن...كنا كتر من صحاب..."حل عينيه كيشوف قدامو"وفي مرحلة تبادلنا انا ومارسلين اعجاب ورتابطنا...دوزنا بزاف الوقت زوين وخايب...بحلاتو ومرورتو...بغينا بعضياتنا وكولشي كان حاسدنا على علاقتنا "وركت ميراي على يديها وهي كتسمع ليه والغيرة شاعلة في قلبها"...مارسلين حملت "خرجت ميراي عينيها" وانا تماك وليت كنخدم مع جدي حتاش من وقتي كنت باغي نأسس مشروعي راسي ولكن مني حملت قررت نخدم اي كان...ولكن طاح لها الجنين...دازت مدة خرى حملت تاني وتماك قررنا نتزوجو ولكن تاني طاح لها الجنين ولقات عندها مشكيل في الحمالة...أجبنا زواجنا ولكن هي كانت عيانة وماحملتش راسها أنها ماتقدرش تولي أم بساهل...هكاك ولينا دائما كنتخاصمو حتى واحد المدة هي بغاتنا نتفارقو ووقع نقاش كبير بناتنا...انا كنت عيان وووقع لي وقع وتلاقيت بإيملي..من بعد رجعنا وكنا بدينا نرجعو نورمال وهي بدات تخطى الوضع حتى بانت ايملي بقضية الحمل وتماك تفارقنا وهي تزوجت بصاحبي لي هو صاحبنا تالت ستيفن لي صدق باغيها بلاما نعرف انا وحاط عليها العين...ماعرفش واش بصح تزوجو ولا لا...ولكن لي شفت أنها بديك الكسوة معاه....ووقع لي وقع لي نتي عرفاه...

سرطت ريقها اش هاد الكلام سمعت...عاش مع وحدة ولمس وحدة وبغا وحدة وحملت منو وحدة...دبا تمنات كون بصح بقا ساكت...حتاش حاسة بقلبها كيتقطع تقطااع ماتقبلتش هاد الكلام...تجرت من بين يديه وشافت فيه وطاحو دموعها...

ميراي:بغيتيها؟

غالي:ماغنقولش لك لا...

غالي:ماغنقولش لا ولكن دبا كنبغيك نتي..

ميراي:"دورت وجهها ومسحت دموعها لي مابقاو بغاو يوقفو ورجعت شافت فيه" سير لها دبا...

بغات تمشي وهو يشد دراعها وقابلها معاه شادها من درعيها بزوج.

غالي:علاش كديري هكا...واش كلو شك فيا...زعما ماكتيقيش فيا...دازت ايملي ومادرتيش هكا..

ميرلي:ايملي كان معروف علاقتك معاها وبلي لي وقع غلط...ولكن هادي...رااك بغيتيها اغالي....شكون قال بلي ممكن مزال كتبغيها...

غالي:مستحيل...

بعدت عليه ومشات خرجت ونزلت دغيا دخلت لمكتب ديالها وهي تسد الباب وتكات عليه وطاحت لأرض كتبكي...
شحال صعيبة المرا تعرف راجلها بلي كان كيبغي وحدة غيرها...ماعاشش القليل معاها لي يتنسا بحال اي بنت...شكون قال بلي بصح نساها...شكون قال بلي بصح كيبغيها هي دبا...شكون قال بلي المشاعر صادقة...نساات لي دارو غالي على ودها ونسات لي كيحاول يديرو على ودها ولي في بالها هو أنو غالي كان باغي بنت بزاف ويمكن كتر مما بغاها...

اما غالي مشا جلس وهو يهز تلفون ودوز ابيل...

غالي:وجدو طائرة غنسافرو...غذا يكون أفضل...اممم انا ومرتي وولادي...الوجهة انا غنشوف رد علك اوكي..

قطع ابيل وهو يمسح على وجهو...هكا المشكيل مايتحلش...هز تلفون أرضي من الجنب..ودوزها لسكرتيرة..

غالي:قولي لمحااميين يجيو عندي دبا كتفهمي....

قطع ومدة قصيرة دخلو لمحامين شي 5...جلسو وشافو فيه مستغربين...

محامي:سي غالي اش حب الخاطر..

غالي:بغيتكم توجدو كاع الوراق حتاش غنفسخ العقد مع شريكة أمريكية...

كلهم شافو في بعضياتهم ورجعو شافو فيه مستغربين وهو يتقاد واحد في الجلسة...

محامي:سي غالي اش كتقول..باغي تعرض شركة للخطر...عارف بلي قيمة تعويض كبيرة بزااف وهاد شي يخليك في أزمة مادية...

غالي:ديرو لي قلت...انا نتحمل كاع نتائج...

شافو في بعضياتهم ووقفو خرجو...

يتبع...