حارستي الشخصية🗽مكتملة🗽

🗽الجزء 3🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 3:

غالي:شكون نتا؟

هزت راسها فيه دغيا وهو يوسع عينيه مني شااافها وعرفها بنت...

ميراي:اخيرا فقتي...

غالي:كنعرفك؟

بقات كتشوف فيه وهي تقاد في الوقفة وقربت لجيهتو...

ميراي:لا،جبتك فاش وقعت لك اكسيدون...

بقا غالي كيشوف فيها وفي عينيها الزورق،طلع عينيه جيهة جرحة لي في جبهتها...حاول تقاد في الجلسة وهي عونتو وقادت ليه المخدة...بعدت وهو يشوف فيها...

غالي:بغيت تلفون...

جبدت تلفونها ومدتو ليه...بغا ياخدو ولكن ماطلقتوش حتى شاف فيها...

ميراي:مديرا غير 5درااهم ماتكملهاش ليا...

جر تلفون وهو يدخل لسجل مكالمات ودخل الرقم وبدا كيصوني حتى جاوبو...

#الحــوار_الفرنسية"

زكرياء:شكون معايا؟

غالي:لي ولدك...

زكرياء:غاااللي؟؟!

غالي:هو هذا....

زكرياء:لا مايمكنش اصااحبي نوضتيها منااا،فين نتا هاحنا جيين؟

غالي:فين انا"كيدور في عينيه وشاف في ميراي وهدر بالدريجة" فين حنا؟

ميراي::"مربعة يديها" سبيطار العمومي سميتو *** في شارع ****...

غالي:سمعتي؟

زكرياء:"كيركب في الطنوبيل" وي هاحنا جيين...

قطع معاه وهو يعطي غالي تلفون ليها...

غالي:شكرا لك...حتاش عتقتيني...

ميراي:"بعدت وجهها كتشوف في جهة تانية" عادي أي واحد يدير هكا،الله يجيب شفااا...ورد البال كتر مرة جيا...

تمت غادة حتى وقفها...

غالي:شنو سميتك؟

وقفت وشافت فيه مدة...

ميراي:ميراي...

صونا تلفونها وهي تجبدو شافت الرقم...شافت في غالي...

ميراي:يجيو عندك البوليس،الله يجيب شفا...

مشات خرجت وهي كتهدر...

ميراي:ماما،انا جيا،وخا غنجيبو معايا اوكي...

قطعت ومشات كتجري خارجة زربانة...بقا غالي متبع ليها العين وهو يدور عينيه في المكان كفاش قدامو سريرات خرين توع المرضى،وكل وفين معطوب وكل وتقصيحتو...بقا كيشوف فيهم وعائلاتهم لي معاهم وكاين لي كيوكلوهم بزز...ضرو قلبو عليهم حتى سمع صوت...