حارستي الشخصية🗽مكتملة🗽

🗽الجزء 19🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 19:

كان زكرياء واقف كيرسم وبزاف اللوحات ديرين بيه...حتى تحل الباب ودخلت بنت زوينة وأنيقة بلبسها...وقفت كتشوف في اللوحة لي ماكملاش...

أسماء:باقي في نفس النقطة؟

حط القلام وهو يتنهد وجلس فوق الكرسي لي كان عالي وشاف فيها..

زكرياء:ماقدرش...

أسماء:"شافت فيه" كتاب كمل وكولشي وجد ولكن شخصياات لا...أش كتسنى ازكرياء شركة النشر شهر وهي صابرة...

زكرياء:اووف كرهت...

أسماء:ياك غير شخصية البطلةرسم كيف موالف...شنو شيء جديد؟

زكرياء:لا لا ااسماء "وقف" كولشي مقاد وبغيتيني نخسرها بشخصية البطلة...

أسماء:شنو معمول...رسمتي شخصيات خرين وكيطبعو بقاات شخصية البطلة...

زكرياء:عطيني سمانة خرى.."ضرب على كتفها" تقدري ياك؟

أسماء:"تنهدت" اووف ازكرياء غنديرو افلاس بسبابك...وخا غنحاول مع الشركة سربي...شوف لا ماقدرتيش تاخد الهام او مانعرف أش كتسموه خرج وشوف كفاش دير...كتسمع..

مشات خرجت وهو تنهد وحيد الورقة لي كان كيرسم ولاحها ومشا هز تجاكيط ديالو وخرج...ىكب في طنوبيلتو هو ماكياخدتش شيفور عزيز عليه حريتو في طنوبيلتو...حل تلفون طاالع في لكوونط لي عندو...عامر غير بسميات بنات ها سلوى 1 ها سلوى2...

زكرباء:بففف علامن نعيط دبا؟اممم نحسب 10 لي جات فيها نعيط ليها...

بدا يحسب حتى جات في وحدة وهدر معاها...

زكرياء:مينة..لباس علك...مسالية نتلقاو؟

مينة:سمح ليا تزوجت..

قطعت عليه وهو يبعد تلفون كيشوف فيه...

زكرياء:ويلي..كولشي ولا يتزوج دبا؟

هز رقم أخر صونا..

زكرياء:سعاد لباس عليك الكبيدة نتلقاو؟

سعاد:سمح ليا كيخصني ندي ولدي لروض...

قطعت وهو يبعد تلفون على وذنو مصدوم...

زكرياء:هادو غير 3سنين ماهدرتش معاها دغيا تزوجت وولدت...لا بزاف...

دوز لرقم أخر...

زكرياء:حفصة كبيدة ديالي...

حفصة:تخطبت..

قطعت عليه وهو بقا غير كيشوف...دوز لرقم أخر..

زكرياء:كريمة لباس عليك..

كريمة:زكرياء شنو باغي انا دبا مامسلياش...

زكريلء:وأش كديري؟