حارستي الشخصية🗽مكتملة🗽

🗽الجزء 126🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء126:

🌐عند ريم..

جلال:واجدة..

حركت راسها وهي ورا الكاميرا وبدات التصوير وصدمتهم كفاش قدرت تقن الدور...حتى سالاو اول مشهد وصفقو...بتاسمت وهي كتشوف فيهم وقرب عندها جلال .

جلال:صدمتيني...

ريم:واش كنت مزيانة؟

جلال:بزاف،برنامج الواقعي ديالك كنظن غيمشي مزيان...قولي ليا مين جبتي فكرة تهدري على حياة الناس...

ريم:"بتاسمت" من حياتي،حياتنا،دوزت من بزاف أمور،جاني الفضول نعرف هم وحزن غيري حتى انا،بغيت برنامج ٭انا كنسمعك٭ يوصل لكولشي،لي واحد بغا يشكي او يفرغ لي في قلبو او يعطي نصيحة من شي لي دوزو يكون معانا ويهدر معانا...وبغيت نعاونو لي كيستحق المساعدة...

جلال:اول حلقة هي لي تبت واش عندك الحق او لاا،دبا صورنا اول مشهد،وجا الوقت تجلسي مع الضيف...

حركت راسها ورجعو مكملين التصوير...

🌐عند ضياء..

كان جالس حاط يدو على خدو كيفكر فيها وكيبتاسم غير راسو حتى دق الباب ودخلت اسمهان وهو ماجايب الدنيا خبار،دخلت حطت الملفات وشافتو كفاش مبتاسم..

اسمهان:ضياء الدين..

شاف فيها ضياء وهو مستغرب كفاش دخلت..

اسمهان:دقيت حتى عيت ولكن ماسمعتينيش ودخلت...جبت لك كاع الملفات توع القضايا لي كنت شادة قريب غنمشي بحالي وعمرك مزال غتشوف وجهي...

ضياء:"شاف قدامو" مزيان...

أسمهان:ضياء،بغيت نطلب منك طلب...ممكن نتعشاو اليوم انسوبل،غادي يكون اخر عشا عفاك ماترفضتش طلبي..

ضياء:علاش غنتعشا معاك؟

اسمهان:عتابرو عشاء اعتذار على لي درتو فك..

ضياء:اخر همي،اصلا نسيت..

اسمهان:ولكن انا مزال،عفاك اضياء أخر عشا وكنواعدك ماعمرك مزال غتشوف وجهي...

بقا ضياء كيشوف فيها وشاف قدامو...

🌐عند اسية..

نزلت لتحت وهي لابسة شورط تجين مع تيشورت وسبادري وجامعة شعرها الفوق مع ميكاب خفيف،حتى كتشوفو جالس في الطابلة كياكل...

أسية:صبحنا على ربي...

الجد:بنتي "شافت فيه كان مزال جالس" ياك لاباس مزال مريضة...

اسية:لا لا مامريضاش...

مشات جرت كرسي بعيد عليهم وهي تقرب الخدامة بغات تكب ليها عصير وهي تمنعها..

اسية:مافياش،جيبي ليا شي حاجة سخونة...

سيف:لا فك البرد لبسي،ماشي بجوج شرويطات باغا دفاي...

بتاسمت بزز وهي تجيب ليها حليب سخون...

اسية:احح سخون بزاف..

الخداما:نبردو..

اسية:لا جيبي ليا شويا القرفة..

الجد:ولدي سيف،علاش ماقلتيش لينا جاي..

سيف:كنت مسافر لباريس "شاف في اسية" جاني واحد الخبر وجيت،ورجعت معطل وكان القصر قرب ليا هكاك قلت ندوز..

الجد:مزيان افضل شي،وقول ليا فين ساكن؟

سيف:ههه جدي،علاش باغي تعرف ياك ماتولي خيطي بيطي عندي،داري صغيرة ماتليقش لك...

الجد:هههه وعلى اش فيها،تيساع في القلب ماشي في الديور...قول ليا كاع خوتك تزوجو نتا ماناويش...

شاف سيف في اسية لي شافت فيه وهو يشوف الجد نظراتهم ونزل عينيه ورجع شاف في سيف....

الجد:انا عارف خدمتك ماسهلاش،علاش ماتخليهاش وتخدم مع الغالي،نتوما عندكم نفس التفكير وذكيين،تبارك الله كاع حفايدي اذكياء خارجين لجدكم هههه...

سيف:"بتاسم وشاف فيه" مانقدرش نجي ونخلي لخدمة،هما مايخلونيش في راحتي،اصلا من دبا وباغين غير امتى ليويوي دراعي..

الجد:علاش،شنو واقع؟غير قول ليا انا را دخل في كولشي الا المخابرات...

سيف:هههه لا غير دخل را فلوسك ماينفعوش معاك اجدي معاهم،"تنهد" اوا اسيدي سنين وانا من مهمة لمهمة،شحال من مرة كنواجه الموت،ونهار رفضت مهمة وحدة،كولشي ولا ضدي..

الجد:اشمن مهمة..واش درتي...

سيف:واحد مافيوزي ولد سياسي مهم،انا رفضت نشد قضيتو،ومزال كيتسناو فيا نشدها...

الجد:وشدها...هكاك غتزاد رتبة او لا..

سيف:هههه ماكاين لا رتبة لا سطا حمص،اول ماغنشد القضية غتهزوني في كفن...

هز قهوة كيشرب والجد بقا غير كيشوف فيه،نزلت أسية عينيها حتى جابت ليها الخدامة قرقة وهي تخنزر...

اسية:على عامين،وخا جيبينها من السوق...طلقي هنا...

خدات القرفة وكاس الحليب ونادت وقفت مشات برا،بقا متبع ليها العين وتنهد...لا هما يخلوه على راحتو ولا غادي يرتاح...

يتبع...