حارستي الشخصية🗽مكتملة🗽

🗽الجزء 69🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء69:

دخلت ريم لجردة بداك القفطان التقيل بالخضر وشال لي مزال مديراه بطريقة زوينة وميكاب لي صرعها كتر،والبنات من وراها كيصفقو لابسين حتى هما قفاطن،ميراي بلون الگري وأنهار بالحمر جاو كيحمقو حتى هما،نگافات من لاور بسلا وسلام...وموسيقى عراسيا بادية بحضور فقط صحااب الحاج او صحاب العائلة القراب بزاف...جلست ريم حدا ضياء لي مامنزلش عينيه من عليها...شافت فيه ريم وهي تنزل عينيها وشافت قدامها...

ريم:عرس ودرناه،وكاغيط؟

ضياء:ماكنقول الحاجة الا وقاد عليها...

شافت فيه ريم وهبطت راسها وبتاسمت...قربت أنهار من ميراي...

أنهار:البنت لي قلت لك ضربتها،صدقت عايشة وصحة سلام...

ميراي:شكون؟

أنهار:هي هديك لي واقفة حدا زكرياء...

شافت ميراي جهة أسماء لي لابسة داك القفطان...طلعتها وهبطتها...

ميراي:عاقلة علك؟

أنهار:ضروري،طايحة في مصيبة اميراي...

ميراي:تهدني،ماواقع والو مني ماعلمتش البوليس الا وعندها ماتقول،صبري حتى نعرفو أش تحت راسها...

أنهار:كتمنى مانطرش ندير معاها المشاكل را مارتاحيتش ليها اميراي...شوفيها كفاش كدير مع زكرياء كنتعصب...

ميراي:"وقفت قبالتها" أنهار،كيخصك تحكمي في راسك راااك كتعالجي دبا،واش خديتي دواك...

أنهار:مزال...

ميراي:سيري خوديه...وقت تاخديه وتهدني رجعي نهدرو عندي معاك هدرة...

حركت أنهار راسها ومشات داخلة...تنهدت ميراي وهي تمشي جنب مها...

مليكة:واش مالقيتي خبار على ختك؟

ميىاي:مزال اماما،صاافي ماتشطنيش عليها هكا يكون كل الخير،مني غير ماكينا في حتى كنينيك و الكوميسارية فراا مايكون واقع ليها والو...فرحي مع ريم مسكينة...

مليكة:"تنهدت" امتى نشوفك حتى نتي عروسة...

بتاسمت ميراي وجرتها باست ليها راسها ويدها...

ميراي:ان شاء الله قريب...

مليكة:هاي هاي على مسيخيطة هي كاين شي حد...

تنهدت ميراي وهي تشوف في غالي لي كيشوف فيها،شافت في ايملي لي شادة في دراعو لاصقة فيه بتملك...على مالها مناش غادي تخاف هي مرتو وموت ولدو،هي لي شكون مجرد وحدة باغيها لا غير،ماعندها الحق حتى تشوف فيه...حركت عينيها من عليه جهة جدو لي فرحان تقول يله غيزوج ضياء...ماعرفت مين تشدو،واحد باغي مصلاحة عائلتو ولا واحد باغي مصلاحتو...