حارستي الشخصية🗽مكتملة🗽

🗽الجزء 71🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء71:

♾️في حلم أنهار..

أنهار:بابا هههه‍ه...

كانت في عمر 7سنين كيهزها شخص حتال الفوق ويعاود يشدها وهي كضحك..

أب:اوبلااا هههه...

أنهار:هزني حتالل الفوق كتر ابابا عفاك ههههه...

أب:ههههه هكاااا اوبلااا..

كانو كيلعبو ويضحكو مع بعضياتهم كما في بزاف لقطات..حتى ركزت على لقطة فاش باها هاز فاليزتو خارج...
شدت أنهار فيه بيديها الصغار وهي كتبكي...

أنهار:بابا ماتخليناش هيء هيء...

أب:"شاف فيها'" صافي انا مابقيتش قادر نتحمل العيشا معااكم قهرتووني باغي نعيش حياتي حتى انا...طلقي بعدي مني...

دفعها ومشا خرج مخليها طايحة كتبكي...

انهار:باباااااا...

جات سحر عندها كتجري عنقتها...

سحر:صافي ابنتي عفاك هيء هيء...

انهار:"دفعتها" نتي سباب،بسبابك بابا مشا وخلاانا بسبابك..

♾️خارج الحلم...

حلت عينيها المدمعين حتى طاحت دمعة مع جنب عينيها وهي مزال مجمدة في بلاصتها حتى حست بيد تحطت على خدها كتمسح دمعتها وهي تشوف فيه...

زكرباء:أنهار،ماماك مزال عايشة...

خرجت أنهار عينيها على هاد الكلمة وهي تقاد في الجلسة دغيا...

أنهار:حلف..

زكرياء:والله،هي مزال عايشة وقالت لينا الطبيبة بلي عندها فقط كسور مي هي ولات بيخير.
شدت أنهار في راسها وهي تنهد كون وقعت ليها شي حاجة كانت غادي تسطى...قرب زكرياء عنقها...

زكرياء:الحمدلله على سلامتها...

طاحو دموع أنهار وعنقتو...دغيا عاودت بعدتو...

أنهار:عمي وعمتي؟

زكرياء:"حرك راسو" الله يرحمهم...

خرجت أنهار عينيها غادي تكون حالة البنات حالة دبا،دغيا نزلت لبست في رجلها ومشات خرجت عندهم..وقفت كتشوف فيهم كيبكيو وهما يطيحو دموعها وقربت منهم...

أنهار:واش ماتو؟

شافو فيها البنات لي ولات حالتهم حالة...قربت أنهار من ريم لي وقفت عنقتها كتبكي...

ريم:مشا ختي مشاا الحنين...

شافت أنهار بعينيها المدمعين في ميراي لي كتبكي...شافت فيها ميراي وحلت أنهار يدها ليها...وقفت ميراي عندها عنقتها حتى هي وهما يبداو يبكيو بتلاتة...باش التالتة تسكتهم بالعكس غير مابدات معاهم في الطرح...بقاو دراري غير كيشوفو...صونا تلفون ضياء وهو يبعد وجاوب..