حارستي الشخصية🗽مكتملة🗽

🗽الجزء 43🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 43:

ريم:من صباح وكتشوفو في بعضياااتكم ومتنزلتوش عينيكم...خاصة هو...واش كتبغو بعضياتكم؟

ميراي:بينسوغ لا...أش كتخرفو..

أنهار:ميراي ماتكذبيش عينيك فضحينك...نتي كتبغي غالي هاد شي واضح بزااف...حنا صحباتك وعرفينك..

ميراي:صافي سكتو لا يسمعوكم..

ريم:يعني بصح كتبغيه..

ميراي:"سرطت ريقها" ماشي حب مجرد اعجاب...

أنهار:داكوغ...يعني مجرد اعجاب...متبادل؟

ميراي:لا...هو مع وحدة وحاملة منو...وجدو كيوجد ليهم في العرس...

ريم:هههه يعني اميراي طحتي في حب شخص ماشي لك...

خنزرت ميراي وشافت في غالي ونزلت راسها...

ميراي:غادي نستاقل من عندهم...

أنهار:علاش؟حتاش كتبغيه؟

ميراي:ماشي هكاك اووف..قلت ليكم مجرد اعجاب ومابقيتش كنفكر فيه...

أنهار:اذن؟

ميراي:"شافت فيهم بزوجات وحطت يدها الوسط" واعدوني يبقا بناتنا...

بنات:"حطو يديهم على يديها"وعد..

ميراي:جد غالي هددني بختي...لا ماستقلتش وبعدت على غالي هو غادي يدمر مستقبل ختي...

بنات:كفاش؟

غوتو حتى كولشي شاف فيهم وهما يتبتو...شاف زكرياء في أنهار زعما شنو ولكن حركت راسها بوالو وشافت في ميراي،قربت من ميراي...

أنهار:كفاش هددك بيها واش كضحكي؟شكون هو في ملك الله كفاش يتجرأ هكا...ونتي خايفة منو؟

تنهدت ميراي ونزلت راسها...هي لي عارفة أش في يدين هاد أغنياء مايديرو حتاش مجربة لعبهم ومجربة مرارة فلوسهم...تنهدت للمرة 50 بسبب ضيق لي كتحسو في صدرها وهي حابسة حزنها باش يبقى في داخلها..تفكرت كلام منصف ليها في العشية...

«منصف:"كانو واقفين قدام القصر» ميراي سي النصيري حاط عينو على ختك وهو أيضا كيخلي لي في شركة يعاملوها خايب...شنو درتي ليه؟أفضل حاجة تلقاي حل حتاش فوق هاد شي هو سيفطني لعندها لشركة باش نزيد عليها...نصيحة لقاي حل معاه دغيا ولكن ماتخافيش على ختك انا رد ليها البال»

هزت راسها نيشان في غالي وهي توقف مخلياااهم كيهدرو بلاما تسمعهم وهي مرفوعة محتاجة ترخف على نفسها شويا...مشات لحمام ورشت على وجهها الماء وحتى عنقها وشافت راسها في المرايا وهي كترجع في النفس...دمعو عينيها وحمارو وهي كتفكر في ماضيها بتديج...صوتو وأهات ضحكااتو كيتعاودو في دماغها...شعلت روبيني مخليا الماء كيكتب وهي كتفكر لي دمر حياتها ورجعها بؤس...

#فــلاش_البــاك...

كانت واقفة عند الجرف كتشوف في البحر وهي لابسة كسوة حد الفخاد وشعرها أشقر لي كيطيروه رياح المواج...حتى وقف بطنوبيلتو ونزل بداك الكومبلي جيهتها...وقف كيشوف فيها ويله يقرب باغي يعنقها حتى شفت فيه وبعدت...

ميراي:خلينا نتفارقو..

شاف فيها مخنزر وهدر بالغوات...

...:قلللت لككك لااا،مانتفارقش علك علاش مابغاش تفهمي...

ميراي:"بالغوات" واش بقااا معااك بزز عطيني تقاااار...

...:كلو من ديك صاحبتك كون مابغاتني ماكنتيش غتفارقي معايا...

ميراي:"هزت صبعها بتحذير في وجهو" ويااك تجبدها...كون مانتا عطيتيها وجه نهار لول مايوقع من هاد شي والو...ندمت حتى شفت فك وداك شويا اعجاب لي كان جيهتك هنا سالا،كرهت نهار لي تلاقيتك فيه...

خنزر وقرب منها شدها من عنقها مقجفها ومخنزر...

...:نتي كتجرأي وتفارقي معاايا،شكون تكوني في ملك الله...

دفعتو وهي تصرفقو مغددةة...

ميراي:حيوان...حمد الله عرفتك على حقيقتك من دبا...

....:"شاف فيها" غندمك اميراي يازين عقلي عليا،نتي ماطحتيش مع أي كاان،غنوريك الجحيم ووريك كفاش تجرأي وتلعبي بيا هكا..غير شوفي كفاااش مكانتك وشهرتك غنهيهم بيديا...عقلي على كلامي مزيان...وسيري عند صاحبتك تنفعك دبا...

مشا ركب مديماري مخليها غير كتشوف مصدومة منو...طاحو دموعها وهي تمسحهم دغيا..

#النهاية..

فاقت ميراي من سهوتها وهي كتنفس بسرعة...طاحو دموعها وحطت يدها على فمها كاتمة صوت شهقاتها...دوز عليها الجحيم لي ماعاارفو حتى واحد...تعذبت بزااف بسباب غلط واحد دارتو وهي أنها طاحت في طريق واحد مريض...هزت الماء غسلت ومسحت وجهها وخرجت بعد ماريحت نفسها...
رجعت لطابلة وجلست...

أنهار:تعطلتي..

ميراي:باز...نخلصو عيت بغيت رتاح...

شيرت سيرفور وهو يجي عندهم...

ميراي:شحال عندنا..

سيرفور:لي كانو معاكم خلصو الالة...

مشا وهما يشوفو في دراري ووقفو...مڜات أنهار عند زكرياء وبنات وقفو شويا بعيد...

أنهار:خلصتو...

زكرياء:"وقف" غادين؟

أنهار:لا جات على خاطرك...

زكرياء:"قرب منها" خليني نوصلك..

قربت ميراي عندها وهدرت جنبها...

ميراي:غير سيري..

شافت فيها أنهار وشافت في زكرياء وحركت راسها بموافقة وهو يبتاسم...

زكرياء:تفضلي...

بتاسمت وتمت غادة وهو هز سوارتو وتلفون وشير لدراري ومشا...

يتبع...