حارستي الشخصية🗽مكتملة🗽

🗽الجزء 154🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء154:

أسية:مافهمتش؟

سلمان:نتي عجبتيني بزاف....وانا ماعنديش مشكيل في حملك ونربيه كيف ولدي لا بغيتي...كلنا كنغلطو وخير الخطائين هم التوابون...وبغيتك الحلال...وكنواعدك مايخصك معايا خير ولا عمرني نهزرك...

طاحت بواطة ايسكريم من يدها على حويجها بقات كتشوف فيه مصدومة من كلامو...مامصدقاش بلي كاين رجل يبغي وحدة وخا ماضيها ووخا حاملة...نزلت عينيها لأسكريم وهي تبدا تسوس في حويجها ولكن كلهم عمرو بأيسكريم...

أسية:اووف لا...

سلمان:لا بغيتي نمشو لمحال تشري حويج...بلاما تبقاي هكا..محال غير قريب تعالي..

وقف ومد يدو ليها وهي تشد في يدو ووقفت...حتى تسمع تشككك 📸وصورة تخادت ليهم في ديك الوضعية...حرك يدو ليها ومشاو لمحلات على رجليهم كانو قراب...خدات سروال مع قاميجة عريضة وبغات تخلص وهو يجبد خلص هو...خرجو وشافت فيه...

أسية:شكرا لك بزاف اسي سلمان..

سلمان:أنا لي كنشكرك على هاد الخاطر لي درتي معايا...عارف تسرعت ولكن انا ماشي من النوع لي كيخلي الكلام في قلبو ولا باغي نضحك علك...

بقات أسية كتشوف فيه وهي تشوف في تلفونها لي كيصوني...جبدت شافت رقم سيف وهي تشوف في سلمان...اختلاف كبير بيناتهم...واحد وخا ماضيها ووخا كاع لي كتعيشو باغيها لحلال ويسترها...وواحد تكرفص عليها وستغلها وماحاولش يصونها وخلاها واحلة في روحها وحتى قالها ليه راسو عاد بغا يتزوجها...تنهدت وهو يتقطع الخط قبل ماتجاوب ورجعت تلفون لساك...

أسية:سمح ليا اسي سلمان...ولكن كيخصني نمشي...

سلمان:نوصلك...

أسية:لا مايحتاجش...جبت طنوبيلتي..

بغات تمشي حتى شدت في كرشها بالوجع...شدت فيها سلمان بخوف...

سلمان:اسية واش بيخير؟نديك طبيب؟

أسية:اححح لا لا بلاش مزال وقتي...غير وجع خفيف كيمشي ويجي...

سلمان:تعالي ندخلو لهاد المطعم بما رتاحيتي ومشا الوجع...

حركت راسها ومشاو دخلو لمطعم...بعد ماتهمد عليها شويا الوجع...

سلمان:دبا بيخير ياك؟

أسية:ااه وي حمدلله...

سلمان:حاولي دائما تشربي السوائل وتمشي ولا قدرتي خاصة في شرك لخر تعوومي بماء بارد...كيفيد في الولادة...

أسية:بصح؟وخا ان شاء الله..

سلمان:مني حنا هنا...شنو رأيك نتغذاو؟