حارستي الشخصية🗽مكتملة🗽

🗽الجزء 63🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء63:

ريم:كيخصنا نعرفو واش البنت مزال عايشة او ماتت...

أنهار:لا ماتت غنتاهي البنات..

ميراي:كان خاصك تحكمي في راسك وماتسكريش وديري هاد شوهة...دبا خلونا نعرفو أش غنديرو...

ريم:دبا كيخصنا نرجعو لبلاصة فين ضربتي البنت...

صونا تلفون أنهار وهي تمشي هزتو وشافت فيهم...

أنهار:زكرياء...

ميراي:شوفيه أش بغا...

جاوبت أنهار وحطت تلفون على وذنها..

زكرياء:مزال كنتسناك تحت...نزلي عندي..

قطع مخليها غير كتشوف وهي تشوف فيهم...

أنهار:زكرياء التحت،بنات كيخصني نمشي...

مشات هزت ساكها وخرجت دغيا البنت نسااتهم...

ريم:هادي مالها...

ميراي:كيبان طحنا في مصيبة،أنهار كيبان بغات زكرياء "شدت في راسها" أش غنديرو دبا...

ريم:ماكانش خاصنا نخلوهم يبغو بعضياتهم،حنا عارفين مرض أنهار"تنهدت" على اي شنو نديرو في موضوع الحادت ماقالتش لينا حتى العنوان...

ميراي:انا عارفاه وغنمشي،غنقول لماما غنبات عندك لا صونات عرفي كفاش تهدري..

ريم:اوكي...

مشات ميراي هزت ساكها وتجاكيط وخرجت بالزربة مزال بكسوتها والطالون...

نزلت أنهار عند زكرياء وطلعت جنبو وهي تشوف فيه وشاف فيها وطلعها وهبطها..

زكرياء:ياك قلت لك غنديك من ورا العشا...

أنهار:نسيت...

زكرياء:اممم..

دور عينيه ودغيا قلب لطريق متحرك...وقف قدام الجرف قدام االبحر...

🌐في مكان اخر...

كانت أسية باركة كتشيش وسط دااك دخان مع البنات ووقفت بديك الكسوة لي المعري كتر من مغطي مبدلة الكسوة لولى...بدات كترقص وهي تشوف في واحد جا عندها...قربت منو كيرقصو ويضحكو..
حتى حست بشي واحد حط يدو على دراعها وشافت فيه...

أسية:وي؟

...:تبغي نرقصو؟

طلعتو وهبطتو وبتاسمت وهي تحرك راسها وقرب منها كيرقصو..
جرها مشاو كيشربو كاس من ورا كااس...وهي كضحك معااه وعاجبها الحال وكيتملس فيها...

أسية:تو توتو ههههه...

قرب منها كيبوس فيها وهي تبعدو كضحك وشافت في الباب،خرجت عينيها كتشوف في واحد واقف كيقلب بعينيه...