حارستي الشخصية🗽مكتملة🗽

🗽الجزء 21🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 21:

دخل غالي لبيت وهي كانت جالسة كتصبغ ظفرانها غير شافتو وقفت عنقتو...وهو يخنزر وشدها من شعرها ودفعها حتى طاحت في أرض...هبط لمستواها وشد وجهها من فكها وورك عليها مخنزر تقول هزيتي واحد وحطيتي واحد أخر...

غالي:داك تقح*بين ديريه برا قدامهم هنااا جمعيه...

ايملي:غالي شنو درت لك؟

غالي:"قرب منها مكزز" بسبابك واقع كاع هاد شي...حمدي الله ليل ونهار أما كون قتلتك...نتي مزال ماكتعرفيني مزيان..

دفع وجهها وناد وقف غادي لدريسينغ وهي وقفت كتشوف فيه غادي وعينيها مدمعين...

ايملي:نتا مريض...كيبقاو فيا عائلتك لي غالطين فك كيظنوك الراجل البريء لكن نتا شيطان بوجه ملائكي...

شاف فيها وهو يقرب منها بخطوات بطاء...حتى وقف قبالتها وهي رجعت لاور خايفة...

غالي:هكاك ماكيخص حتى واحد "زاد كيقرب وهي كترجع لاور" يعرف بهاد شي الغزالة...نتي غديري لي كنقولو لك بالحرف...ولا "حط يدو على الحيط ويد تانية حطها على عنقها وهي مخرجة عينيها لي عامرين بالخوف" ودعي أزين..."ورك على عنقها وشاف فيها بعينين كلهم شر عمرهم بانو قبل وقرب لوذنها" نتي لي عارفة حقيقتي ونتي لي كيخصك تحملي المسؤولية...

طلق منها وهي شدت في عنقها كترجع في النفس وتم غادي كيصفر وهي طاحت في أرض كتبكي..دخل لدريسينغ وهو يجبد حويج ومشا لحمام...حيد حويجو ودخل تحت رشاشة وغمض عينيه...

غالي:دازت 3شهر..."حل عينيه لي حمرين" قريب يسالي هاد شي...

خرج ولبس عليه سروال سرفيط مع تيشورط...ڜاف فيها كفاش مزال في أرض بلاما يهتم بها جبد لكارط بنك ولاحها عليها...

غالي:غذا يديك الشيفور ديري تحاليل...

ايملي:"شافت فيه" مزال يله شهر السادس....

غالي:ديري لي كنقول وولي تلبسي حويج فضفضة...

ايملي:كلبسهم..."وقفت كتمسح دموعها" راه ضروري تبان...

غالي:"قرب منها" سمعي نقول لك....ديري لي كنقول ووقت يسالي هاد شي غبري كمارتك...

نزلت عينيها ودموعها طايحين ومشا خرج مامهتمش...هزت ايملي يدها بعدت تجاكيط وحطت يدها فوق كرشها...

طاح الظلام ونجوم عمرت سمااا بأضوائها وجو صافي وهاديء كيخبي خبت كل شخص في قلبو..
كما كيقولو دير صاحبك قدامك وماشي وراك ...حتاش ضربات كتجيك من لي قريب ماشي مني بعيد...ضربة لي كلاها شحال من واحد وسط هاد القصة...كما كيقولو الضربة لي ماتقتلك كتقويك...