حارستي الشخصية🗽مكتملة🗽

🗽الجزء 82🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 82:

نزلت أنهار هي وكريم من الطنوبيل قدام سيكتور تاع الطنوبيلات،شافو في بعضياتهم ومشاو داخلين وظلام الحال..

كريم:ردي لبال...

انهار:ماتخافش...

تفارقو كل واحد مشا من جهة وهي كتقلب بين الطنوبيلات...حتى سمعت غوات كريم وهي تمشي كتجري...

أنهار:كريم..

نزلت عندو وهو شاد من راسو...شافت واحد غادي هربان وهي تمشي بالجرى تبعاه...وقفت كتشوف فيه هربان وهي دخل مع الطنوبيلات..حتى وقفت قدامو وجبدت سلاحها..

أنهار:دير عقلك وتعالى معايا..

بغا يهرب وهي ضربو لرجلو برصاصة وقربت منو دغيا وكلبشت يديه بأصفاء لاور...

أنهار:وأخيرا لقيناك...

جرتو موقفاه وهو يوقف كريم..

كريم:بلا بيك يضربني الخلا..

أنهار:هههه باش تعرف قيمتي..

تمو راجعين بحالهم وجارين داك المجرم..

ركبو وساق كريم متحرك،شاف في أنهار وبتاسمت وشاف قدامو..

كريم:خسارة،بنت بحالك ماربحهاش...

أنهار:قلتي شي حاجة؟

كريم:"بتاسم" لا..

حركت راسها وشافت قدامها...

🌐في القصر..

دخل غالي لقصر وهو يدخل لصالة بعد مالقا سلام جلس..

الجد:شنو درتي في المناقصة؟

غالي:ربحناها اجدي بقا غير يجي واحد من ديولهم...

الجد:اهيتا راها شركة على قدها بين يديك...

ياسين:نتا مداير فيه تقة علينا حنا الواليد...

الجد:شمر على ذراعك ولا ضيعتك داك ساع دعيني...

ياسين:ماشي فعايل هادو،هاد شي حقي قبل منو...

الجد:سكت،حقك بأشمن صفة،كاع لي نتوما فيه بنيتو وكملو بااه ياسر وغيكملو حتى غالي وغااادي بقا مع ولادو...هادو هما لي قادرين يخلو امبراطوريتنا حية...ماتخلينيش جبد سيرة كل واحد فيكم...

حك غالي جنب فمو ودور عينيه كيقلب عليها...وقف ياسين معصب...

ضياء:"شاد الطابليط" سيفط ليا نقرا المناقصة...

غالي:لا نتا خويا موحش الخدمة انا باغي نرتاح...غذا وفكرني...

ناد وقف طالع تلاقا مع زكرياء نازل...يله يدخل لبيت حتى عيطت ليه...