حارستي الشخصية🗽مكتملة🗽

🗽الجزء 31🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء31:

بقات مضاربة معاه شحال وغالي حاضيها أش كدير...جمعت أدوات في الصندوق وطلعت شعلت طنوبيل حتى خدمت..نزلت عندو وهي كتمسح في يديها..

ميراي:طلع...

بقا غالي كيشوف فيها مصدوم كفاش قدرت تسيبها...رجعت الصندوق لكوفر وطلعت وهي تشوف فيه...طلع غالي وهو كيشوف فيها...تحركت بطنوبيل...بتاسم غالي وشاف قدامو...
مسافة الطريق كانت واقفة بطنوبيل قدام واحد سطلاسيون...

ميراي:بقا هنا انا راجعة..

مشات نزلت وهو متبع ليها العين...

ميراي:"مع مول الحانوت"سلام عليكم اشريف..

مول الحانوت"وعليكم سلام...

ميراي:عفاك بغيت نسولك واش كاين شي فيلات هنا قراب؟

م.ح:علامن كتقلبي ابنتي...

ميراي:على واحد راجل سميتو أيوب الصالحي راه خدام وكيل في الرباط سمعت عندو فيلا في هاد النواحي...

م.ح:اييه سامع بيه..شوفي ابنتي غتمشي نيشان ودوري على اول طريق على ليمن،تماك غتلقاي شي فيلات ورا وحدة منهم تاعو...

ميراي:شكرا..واحد قرعة تاع الماء عفاك وبسطات توع شكلاط..

جبدت خلصتو وخدات لي بغات ورجعت ركبت...مدت قرعة لماء لغالي وهو يشوف فيها وخداها...

غالي:تعطلتي على قبل قرعة الماء...

حلت باسطا تاع شكولا كتاكل وديمارات طنوبيل...وقفت قدام الفيلات وهي تشوف فيه...

ميراي:ماعرفتش أشمن فيلا...

شاف فيها وهو ينزل وتبعتو..بدا غادي كيقرى في سميات وهو يوقف قدام وحدة...دفع الباب داخل ووقف كيدق...حتى تحل الباب...

خدامة:وي؟

غالي:كاين الوكيل...

خدامة:شكون نقول ليه؟

غالي:غالي النصيري..

خدامة:دقيقة عفاك..

خدامة:دقيقة عفاك..

سدت الباب ومشات...بقاو واقفين حتى رجع تحل وهما يشوفو في الرجل كبير شويا في العمر...

أيوب:غالي النصيري؟

غالي:وي...ممكن شويا من وقتك..

أيوب:ياك لاباس؟

غالي:لا عطيتيني من وقتك غادي تعرف...

شاف أيوب في ميراي وشاف في غالي وبعد...

ايوب:تفضلو..

دخلو وهو يسد الباب وحرك ليهم يدو دخلو لصالة...