حارستي الشخصية🗽مكتملة🗽

🗽الجزء 150🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء150

كانت خارجة من استوديو حتى وقف قبالتها وهي توقف كتشوف فيه...شافت في الشخص الكبير لي وراح وطاح الساك من يدها مخرجة عينيها...

ريم:"بصدمة" جدي؟

قرب منها بعكازو ومد يدو ليها كتقليد من تقاليد تركيا وهي شافت في يدو وشافت فيه وشدتها باستهاووشافت فيه...

الجد:كبرتي تبارك الله..

ريم:نتا هنا...مافهمت والو...

الجد:وتعالي وتفهمي..

دو يدو على ضهرها خرجو وهي ناسيا أمر ضياء...

🌐عـنـد ضيــاء

كان جالس في الطابلة لي مزينة بالشموع والورد وسط نايت بلو كان خاوي...كاريه كلو ليه اليوم...شاف في الساعة في يدو وهو يتنهد وبقا جالس مدة ساعة كاملة وهو يهز تلفونو كانت 10...صونا لشيفور ديالو...

ضياء:مالكم تعطلتو؟

شيفور:من صباح كنتسنا اسيدي ولكن المدام ماكيناش في استوديو..

قطع عليه ضياء وهو يدور ليها أبيل كيصوني ليها ولكن ماكتجاوبش...حتاش ريم كانت مديرا صامت لتلفونها...
تنهد وسيفط ميساج ليها بلي مزال كيتسناها وهو يحط يدو على خدو كيشوف قدامو...

🌐عند ريــم

كانت جالسة معاه في كافي...الحوار كلو بالتركية...

ريم:مني كنت صغيرة وجريتي على بابا مابقيتيش تفكرتينا...شنو حتى مات ولدك عاد تفكرتي حفيدتك..

سي مصطفى:كان خاصك تقوليها ليا قبل نحضر في جنازتو...

ريم:ماكنتش في وضع كيخليني نتفكر شي حد..

سي مصطفى:ماشي مشكيل الله يرحمو...ولكن شكون سبابو؟

شافت فيه ريم وهي تنزل عينيها...

سي مصطفى:عائلة راجلك ياك؟انا عرفت بلي وقع ماكاين لاش تكذبي...حتاش شفت ملف البوليس...بلي شي حد قطع فرانات...

ريم:كان غير واحد حمق..

سي مصطفى:لالة ريم...نتي راك حفيدة الأغا..وحفيدة الأغا الوحيدة...غطلقي من داك رجل لي مزوجة بيه ماحد ماجامع بناتكم والو...كيخصك تمشي تعيشي معايا ونزوجك بعائلة أغنى وأفضل...

بقات ريم كتشوف فيه وهي توقف...

ريم:ماشي بعد غبورك لسنين رجعتي بنتي قبالتي وكتقول ليا نرجع معاك ونطلق من راجلي...هادي بلادي وهنا فين نعيش...

مشات خرجت وهو بقا متبع ليها العين وشاف قدامو...

خرجت ريم خدات الطاكسي وجبدت تلفونها وهي تشوف لزابيل ديول ضياء..خرجت عينيها وشافت الساعة كانت 11...دورت دغيا أبيل كتصوني ليه ووالو ماكيجاوبش...وحتى فين مداير معاهل ماعرفاش حتاش كان يديها شيفور...تنهدت بضيق أول مرة يخرجو بعد زواجهم بوحدهم ونساتو...

نزلت ميراي كتقلب عليه وهي تخرج لجردة شافتو واقف قدام لابيسين ساهي...مشات قربت ليه وحطت يدها على كتفو وهو يشوف فيها وتقابل معاها...

ميراي:غالي مالك...مني جيتي ونتا غير ساهي...وقعت شي حاجة؟

بقا غالي كيشوف فيها حتى صونا تلفونو وهو يجبد تلفونو كان رقم غريب وهو يجاوب...

غالي:الو..

مارسي:(مارسلين) غالي لباس عليك...

شاف غالي في ميراي وهو يبعد شويا..

غالي:ياك لاباس؟

مارسي:كنت باغا نطمن علك...

غالي:انا بيخير...شي حاجة خرى؟

مارسي:كنت بغيتك توجد اجتماع غذا...

غالي:وخا...بسلامة..

قطع عليها وهو يشوف في ميراي لي كتشوف فيه مستغربة وشاف قدامو...تنهد وهو يقرب لها..

غالي:عيان شويا...غنطلع نعس...

مشا طالع مخليها غير كتشوف مافهمت فيه والو...

🌐عند ريم وضياء..

رجعت لقصر ومشات بجرى طلعت لبيت...حلت الباب دخلت كتشوفو ناعس وطافي الضواو...تنهدت بضيق تعطلت عليه بزاف وحتى من مسافة االطريق كانت كبيرة ودبا 12تاع ليل...كون كان راجل خور كون هرس لها رجليها على هاد التعطال...مشات دخلت لحمام وبدلت لبست بيجامة النعاس وغسلت وخرجت تخشات حداه...بقات كتشوف فيه عاطيها بالضهر وهي تكا حتى هي جهة الخرى عطياه بالضهر...

حل ضياء عينيه بقا على داك الحال حالهم حتى مابقا نعااس هبط على جفونو...بعد عليه الغطا ولبس الكلاكيطة ومشا خرج يتكلاما...

نزل لتحت وخدا قرعة وكاس وخرج برا في الجردة هز لحاف تغطا بيه على البرد وكب ليه كاس كيشرب بوحدو...
علاقتو مع ريم ماغادة وكتأزم...هدرتهم قليلة وحواراتهم قلال وحتى علاقتهم الجنسية منعدمة...كتخدم دائما وقليل فين كتهتم بيه او كتحاول تقرب ناحيتو...وضياء من نوع لي مايقرب لمراا لا ماحسش بيها بغاه...لا هي فهماه ولا هو فاهمها...

يتبع...