حارستي الشخصية🗽مكتملة🗽

🗽الجزء 96🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء96:

كملو لعشا وتجمعو كلهم في الصالة على القهوة...

الجد:اوا اسيف الدين،كيف غادي مع الخدمة..

سيف:مزيان..

الجد:هي خديتي شي كونجي...

سيف:"حك لحيتو وتقاد في جلسة مدير مرفقيه على ركابيه" كنت غنسافر ولكن قلت نجي نشوفكم...

الجد:مزيان..

صفاء:سيف،قول ليا ولدي فاش خدام..

شاف فيها سيف وبتاسم جنب بسخرية وشاف قدامو..

الجد:خدام في المخابرات ابنتي...

صفاء:"حطت يدها على يد سيف" واش بصح؟من امتى ونتا خدام؟

سيف:أسئلتك كتجيب ليا الردااا "شاف فيها" بركا عفاك خليني محتارمك...

أنور:سيف ولدي لا،مك..

صفاء:خليه يفش قلبو انا راضيا بكاع كلامو...شووف ختك الصغيرة رجعت لقصر،رجع حتى نتا تعيش معانا..

شاف سيف في أسية لي كتشوف فيه ونزل راسو...

ضياء:علاش كتكبروها ليه،خلوه يمشي يله يهنينا من صداعو...

غالي:ضياء سكت...سيف ضروري تبقى معانا هنا وخا غير حتى يسالي الكونجي،انا سنين ماشفتكم وماتجمعنا عاود غير في أوقات الصعيبة...

شاف فيه سيف وحرك راسو بايجاب....

الجد:"مع مساعدو" قول ليهم يوجدو بيت سيف...

حرك مساعد راسو ومشا...

سيف:"كيدور في عينيه" فين مرتك لولى "حابس ضحكة" ماتقولش ليا مانع عليها تعشا ههه...

غالي:ماسوقيش فيها...

ماريا:البنت خدات دواها ونعست مسكينة كتبكي بعد ماخرجت من عند ميراي كتبكي..

خرجت ميراي عينيها وشافت في ماريا لي طيحت عليها باطل...

الجد:اش واقع؟علاش نتي بكيتي المرااا وهي حاملة؟

ميراي:مابكيتهاش،هي خرجت صحة سلام...

ماريا:اذن علاش هي مشات عندك؟

شافت فيها ميراي عرفتها بغات تجبد ليها صداع وهي تحك يديها بتوتر .

غالي:ماوقع والو عادي...

الجد:االبنت حاملة...

ميراي:تافقنا نخرجو "شافو فيها وهي تهز عينيها" حتاش حاملة تافقنا نخرجو في الويكاند نديرو شوبينغ...

ماريا:هاهاها على شوبينغ واش حنا كنرضعو صبعانا كفاش نزلت هاد المحبة ..

ميراي:احمم لا ماكنضحكش،انا ماكنكرهش البيبي وباش تولد على خير قررنا نخرجو باش تغير جوو حتاش غالي مشغول..."سرطت ريقها بزز" باش تولد حفيدكم على خير هاد شي علاش...واش اسي النصيري درت خطأ..