حارستي الشخصية🗽مكتملة🗽

🗽الجزء 118🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء118:

سيف:ماكنبغي حد وماغنتزوج حد...

...:وخا سيدي،لا نتا كتقول ماكتبغي ماكتحس ماغتزوج...قول ليا علاش حاط لي مراقب ديك البنت بحال خيالها..

سيف:علاش كتبقى تبحت في حياتي...

...:حتاش حياتك مهمة لينا..

سيف:ياك،ولكن وقت غنموت غدفنوني عادي بحالا ماكنتڜ...ونتا هنا باغي تزين الحياة قدامي باش نسا فعايلكم معايا،وقت نتزوج ولا مت من بعد أش غديرو،غتجيبو مرتي تخدم في بلاصتي؟

...:سيف،حنا فقط كتهمنا راحتك باش تبقى من عملاء المهيمين عندنا...

سيف:لا،نتوما همكم فقط فمي يبقى ساكت وتعطوني المهمات وانا نفد كي شي آلة تاع القتل،شد هذا وقتل هذا،وباغين تحطو بنت في حياتي باش تشدوني من يدي لي دراني،هادي هي الحقيقة...

بقا شاف كيشوف فيه وهو يقرب منو سيف مخنزر...

سيف:دبا لي غدير أنو هاد النوع تاع المهمات ماغنبقاش ناخدهم،غنشد المكتب ولا مابغيتوش قولوها ليا نحط استقالتي،ماغنبقاش نخسر في دمي عليكم..اه ونقول لك ماغنتزوجش غير كون هاني ماغنعطيكمش أمل بسيط باش تلويوي دراعي...

مشا سيف خرج رادخ الباب وهو يتنهد الشاف...

...:مشكلتك ذكي بزاف،وهاد شي غيخرج علك اسيف،تمنى تعرف تخرج من مشاكيلك على خير،كتبقى فيا ديك البنت لي لصقتيها فك وبسباب عنادك ماباغيش تزوجها..."بتاسم" ولكن ضروري نديرو حنا شي نغزة باش تزوجها،عندك الحق خاصنا نقطة ضعفك...

بتاسم ورجع جلس...

اما سيف رجع لدار في داك الليل مزال جرحو كيسيل منو الدم ممنوع يزور أطباء تاع الكنينيك من غير طبيب المركز وهو خرج بلاما يشوفو وقت كان معصب...شد في الحيط ودوخة بدات كتلعب بيه..

سيف:شييت،أش هاد الزهر...

مشا جلس وهو يجبد تلفونو كيشوف فيه ماعندو حتى واحد يهدر معاه...تكا براسو لاور على الفوطوي.

سيف:ماعندك حتى واحد اسي سيف،حتى واحد ماكيسول فك ولا مهتم بك..."غمض عينيه" من نهارك بوحدك..

رجع شاف في تلفونو لي كيصوني رقم غريب وهو يجاوب..

سيف:الو..

أسية:حمدلله مني بعدا كتجاوب..

سيف:"بتاسم وهو مغمض عينيه" مين جبتي نمرتي...

أسية:سرقت تلفون غالي وخديتها...فين غبرتي الصباح وخليتيني..

سيف:"تنهد" قولي ليا،علاش نزلتي عليا كي شي سم،نتي ماعرفاش أهميتك...