حارستي الشخصية🗽مكتملة🗽

🗽الجزء 119🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء119:

🔆اصبح واصبح الملك لله..

نزلت أنهار من الطاكسي مدايرة الطاگية على راسها ودخلت لكوميسارية...كولشي سلم عليها وتمنى ليها شفا وهي دخل عند كريم..

انهار:سلام..

كريم:"شاف فيها ووقف دغيا" اش كديري هنا..

مشا شد يدها وجرها جلسها..

كريم:واش بيخير؟

أنهار:ااه وبزاف،ماتخافش...جيت نوقف الكونجي ونرجع لخدمة...

كريم:كضحكي؟كفاش ترجعي لخدمة مزال يله ايام باش خرجتي من الكنينيك ونتي هنا...

أنهار:ولكن..

كريم:ماكاين لا ولكن ولا غيرو،نتي ماغترجعي لخدمة حتى تولي صحة سلام "حط يدو على خدها" وجهك صفار ماكتاكليش؟

أنهار:"بتاسمت وبعدت يدو" وخا اسيدي،قول ليا كيف غادي مع الخدمة..

كريم:احمم "وقف رجع جلس في بلاصتو" مزيان...

بتاسمت ووراها القضية لي خدام عليها...

🌐عند ميراي..

ميراي:غاالي غااالي..

كانت البنت كتبكي وميراي في الدوش كدوش...حتى دخل مخلوع على صوتها ودق في الباب..

غالي:مالك؟

ميراي:عفاك احبيبي شوف البنت را يخرج لها عقلها بالبكا..

غالي:أنا؟

ميراي:وي،انا قريب نخرج...

غالي:مستحيل..

بغا يخرج حتى وقفو بكلامها..

ميراي:لا بقيت كنسمعها كتبكي غنقطع معاك الكلام..."وقف غالي شاف في البنت مخنزر" را الرضاعة عطيها تااكل صربي..

غالي:حتى تخرجي ونتفاهمو الالة ميراي اووف..

ميراي:هههه يله يله تحرك..

تنهد غالي ومشا جلس جنب البنت وهو يهز الرضاعة...دور عينيه وهو يخشيها في فمها..

غالي:مابغاااتش تسكت..

ميراي:عطيتيها الرضاعة؟

غالي:راها في فمها..

ميراي:"خرجت لابسة بينوار" لي يعول علك يضربو الخلا..

قربت هزت البنت وشدت الرضاعة...حتى رجعت البنت سكتت..

ميراي:مالها دبا سكتت..

شافت فيه كان كيشوف فيها وهو جالس على السرير...

ميراي:مالك؟