حارستي الشخصية🗽مكتملة🗽

🗽الجزء 27🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 27:

غالي:نتا عارف لي مأزمني شنو هو...

منصف:كيخصك تقول لعائلة بلي..

غالي:"قاطعو" غادي نقولها...

منصف:كيف كانت خرجتك مع ميراي؟

غالي:باش عرفتي بلي كنت معاها...

منصف:كتقلل مني أشريف...

بتاسم غالي وشرب من كاسو...بقا منصف كيشوف فيه وبتاسم ونزل رااسو...

منصف:واش بديتي كتبغيها..

كان غالي يشرب من كاسو غير سمع كلام منصف جمد في بلاصتو...حرك عينيه ببطأ جهة منصف...شاف فيه منصف...

منصف:مالك؟قلتي قبيلا ماكتبغيش البنات مرجلات ولكن وقت رجعتي من عندها كنتي طاير بالفرحة...يا نتا رافض هاد شي يا مافاهمش مشاعرك...

غالي:شنو كتخرف...

حط الكاس بالرديخ ووقف مشا...بقا منصف متبع ليه العين وتنهد...

منصف:مايداوي جرح الحب غير الحب...

🔆أصبح وأصبح الملك لله...

خرجت ميراي من الحمام وهي توقف كتشوف في الحويج...حتى دخلت عندها أسية...

اسية:شوفي لبسي ديك لبسة كتجيك زوينة..

ميراي:"شافت فيها" أشمن لبسة...

اسية:بلاتي...

جبدت اسية واحد ساية بمربعات بلون الأبيض وأسود وتريكو بأسود...

اسية:هادي كتجيك واعرة...

ميراي:من نيتك ماشي وقتها..

أسية"حطتها في يدها" ولبسي ازبلة واش تبقاي تلبسي حويج دراري...خاصك تبيني أنوتثك كيف كنتي...يله سربي نجيب ميكاب ندير لك شويا...

بقات ميراي كتشوف في الحويج...تفكرت لبس إيملي...

ميراي:باش حسن مني...

مشات هزت دوبياس بيضين لبستهم وشورط تحت وساية مع تريكو جاتها وااعر...هزت سبادري بأسود عالية لبستها...

اسية:جييت...

حطت ساك صغير فوق السرير...

اسية:جلسي..

جلست ميراي وهزت اسية سيشوار نشفت شعرها دارت ليها مرطب لشعرها وقادتو ليها مسرح على راحتو...هزت دارت ليها مرطب لبشرتها وفونودتا خفيف...

اسية:روج بأشمن لون...

وراتها الوان وهر تاخد ميراي وااحد...هت مرايا دارت منو كان بلون البني بين شفايفها كتر بعد ماكانو زرقين بالكارو...بتاسمت وهي تاخد برفان دارتو ووقفت كتشوف في راسها في المرايا...