حارستي الشخصية🗽مكتملة🗽

🗽الجزء 42🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء42:

دخلت ميراي هي وانهار لي لابسة كسوة حد فخاد بالبرتقالي مبيناها قرطاسة وريم لي لابسة كيف عادتها فقط سروال عريض توب مع قاميجة بنفس اللون وشال وميكاب خفيف...جلسو في طابلة..

ميراي:أش نشربو؟

أنهار:بلاتي شويا حتى يجيو...

ميراي:شكون؟

بتاسمت أنهار وهي كتشوف في الباب ووقفت حتى شافو بنات فين كتشوف وهما كيشوفو فيهم دااخلين..
غالي وضياء ماكانش في خبارهم حتى هما بلي البنات هنا..

غالي:زكرياء،شنو هذا؟

ضياء:حتى لدار ونتفاهمو..

زكرياء:هههه وصافي نشطو شويا...

جرهم دااخلين ووقفو على البنات...وقفو البنات كيشوفو فيهم...غالي لي خرج عينيه وهو كيشوف في ميراي بدهشة من لبسها وزادت كملت بجمالها لي زاد طغاا على جمالها الطبيعي...

أنهار:جلسو..

جرو دراري كراسة مع طابلة دائرية جا زكرياء حدا أنهار وضياء حدا ريم وغالي مقابل مع ميراي...كل واحد كيشوف في تاني...

زكرياء:"قرب لأنهار" شنو هاد جمال...على قبلي؟

أنهار:"شافت فيه شوفة تاع من نيتك" كتحلم ههه..

بتاسم زكرياء وهو كيشوف في ابتسامتها مدوبااه مسكين وطاح على مناخرو فيها...
غالي وميراي لي أعينهم لي كيهدرو فقط وبجوجهم كيشوفو في بعضياتهم وبجوجهم عينيهم عامرين بالغضب...
شافت ريم في ضياء لي كان جابد تلفونو هداك قصتو بوحدها مامهتم بوالو...شافت ريم فيهم وهي تنحنح حتى فاقو من سهوات حبهم...

ريم:ماخبارناش غتجو حتى نتونا حتاش كانت الخرجة تاعنا غير "وركت عليها مخنزرة في أنهار" بوحدناااا...

ضياء:حتى حنا ماكناش مديرين بحسابكم...لا ماعجبكم حال طبالي عطا الله...

ريم:"شافت فيه" الله الله،aşkım biz senden önce geldik...

شاف فيها ضياء بعدم الفهم...

ضياء:أش هذا؟

ريم:يعني جينا قبل منكم...

أنهار:ركزي ليا على أشكم..

ميراي:"بسخرية" قالك مابغاتش..

ضربت أنهار في يد ميراي بسخرية منها وهي مارضاتش ووجها ولا حمر...هز ضياء حواجبو هو ماكيعرفش في التركية ومافهمش شنو كتعني كلمة أشكم...رجع بضهرو لاور وهو يجي سرفور طلب كل واحد أش بغا وخدا ضياء تلفونو كيقلب على ترجمة تاع أشكم هههه..أما ميراي نزلت عينيها من عينين غالي لي ياكلوها مافهمت فيه والو بدوك النظرات...