حارستي الشخصية🗽مكتملة🗽

🗽الجزء 164🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء164

كانت أنهار متكية في بلاصتها مغطيا وحالة عينيها كتشوف قدامها وتفكر...أكيد غتفكر في حياتها لي ولات مأزمة...حتى تحل الباب وهي دخل..

سحر:بنتي فقتي بكري ياك لاباس...

أنهار:"تقادت في الجلسة" على نعست بعدا اماما...

سحر:"جلست جنبها" أش نقول لك ابنتي الله يهديكم...نتي كنتي تموتي باش تزوجي بيه وها نتيجة...

أنهار:اش ندير اماما كنبغيه...باغا نبقا مع زكرياء...

سحر:هي أش؟

أنهار:"تنهدت"غنتنازل...زكرياء تبدل بزاف مابقاش حنين كيف كان وقصاح في معاملتو معايا...

سحر:وراه راجل في لخر بنتي..من راسي وجبد كاين شي راجل يبغي مرتو تخدم مع واحد باغيها...راك مرت رااجل ماشي مرت الوليااا..

أنهار:"تنهدت" بقات فيا غير خدمتي لي بسباب كريم غنخسرها...مي ربي يعوضها من عندو...

سحر:ونتي تعرفي ابنتي انا ماندخلش...باش في لخر لا وقعت شي حاجة ماتجيش وتقولي ليا نتي اماما سبابي..بغيتيه وتزوجتي بيه نتي نهار لول ونتي لي تحملي النتائج...

أنهار:"شدت في يد مها وبتاسمت" عارفة..نودي نودي باش نمشي لمركز ومن بعد بغيت نهدر مع زكرياء...

سحر:وخا نودي..ولكن قادي راسك كيف البنات...

أنهار:هههه مزال نتقاد كتر...

سحر:وماللك اش كتسناي...طلقي سالف وكحلي العيون وتمختري قدامو...را راجل يهز مناخرو حتى يهزهم ويهبطهم قدام المرا...راك مرت زكرياء النصيري غير كنيتو فيها الكفاية...

أنهار:ههههه يااك...

🌐عند ريم..

كانت نازلة حتى صونا تلفونها ووقفت وجاوبت...

ريم:الو..

سي مصطفى:لباس عليك بنيتي..

ريم:جدي؟لباس حمدلله ونتا...

سي مصطفى:بيخير...بغيت نعلمك بلي انا وولد عمك جين نتعشاو عندكم...

ريم:ليلة؟

سي مصطفى:اه ليلة علاش؟

ريم:احمم لا والو مرحبا بيكم رسل لك العنوان..

سي مصكفى:عارفينو...بسلامة...

قطعت معاه ونزلت علمت الخدامات يقادو عشا مُعتبر الليلة ومشات كتجري خارجة خاصها تهدر مع ضياء...

داز اليوم وداز الوقت وضربت العشية وغربت الشمس باش يشرقو النجوم في سما...

نزلت ميراي لابسة كسوة بأسود حد الركبة بكمايم مع سباط طالون وطالقة شعرها على راحتو مع كلوز مات بأحمر كتبان قرطاسة...
خرجت من القصر ركبت مع الشيفور وتحرك...

🌐عند أسية

كانت جالسة قدام المرايا كتمشط في شعرها وهي ساهية...حتى سمعت بنتها وهي تفيق من سهوتها...يله توقف حتى دخل دغيا هز البنت وشاف فيها...

سيف:فين نتي واش صاڤا مخليا البنت من قبيلة كتبكي...

عطاتو بالضهر وهي تهبط عينيها...ووجلست في بلاصتها قبالت المرايا...

أسية:كون غير بقينا مع العائلة كانو يعونوني في تربيتها...

سيف:دبا درتي الكبدة على عائلتك...

أسية:وهي عائلتك حتى نتا...

نزلت راسها وهو يستغرب سيف هذا كلو حتاش بعدو على العائلة...حط البنت وهو يقرب لها وحط يديه على كتافها حتى هزت راسها...

سيف:أش واقع؟

أسية:سيف مابقاش فيا الحليب كفاش نوكل البنت دبا...

سيف:"كيشوفو في بعضياتهم بانعكاس المرايا" كفاش مشا الحليب....

أسية:"هبطت عينيها" ماعرفتش...

سيف:"تنهد وورك على شفايفو" وخا...هاد شي كيعني مابقيتيش غترضعيها؟

أسية:"حركت راسها بالنفي"ماعرفاش..

وقفها حتى تقابلت معاه وهي هزت عينيها فيه...

سيف:بطبع يمشي منك الحليب ونتي عطياها لبكا كي الغبية...

أسية:دبا وليت غبية...شكون بكاني...

سيف:غنخرج نتقدا ونجيب ليها الحليب...

حركت راسها وهو بقا كيشوف فيها مهبطة راسها وجرها ليه معنقها...

سيف:صافي لي وقع وقع علاش مزال مقلقة...

أسية:خرج تقدا ومني ترجع نهدرو...

بعد عليها كيشوف فيها ومشا خرج...وهي قربت لبنتها وهزتها كتحاول ترضعها مي الحليب مابقاش بغا يخرج ليها..

يتبع...