حارستي الشخصية🗽مكتملة🗽

🗽الجزء 73🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 73:

دق ليها الطبيب برااا وكتب شي حاجة في وراقة ووقف قرب عندهم...

غالي:أش بيها؟

طبيب:الأعصاب،عطيتها مهديء وكتبت ليها شي أدوية،عفاكم خلوها ترتاح عندها أعصاب واعرين ويقدرو يأترو عليها بزااف لا بقات هكا وممكن حتى تموت...ولكن كنفضل ديرو وقت وتمشو تزورو طبيب أعصاب...

بقا غالي غير كيشوف وهو يشد ضياء في كتف غالي وحرك يدو لطبيب خرجو...قرب غالي بخطوات بطاء جيتها كيشوف فيها وهو يجلس حداها وشد يدها لي بدات كتدفا...

أنهار:أخرتها مرضت بأعصاب،مانستغربش مادازش عليها القليل في حياتها..

ريم:هيء هيء امتى غضحك الدنيا في وجهها،وصلت معاها لاعصاب والموت...

عنقتها أنهار وتنهدت...

أنهار:نخلوها ترتاح تعالي..

مشاو خرجو وهو يبوس غالي يدها وهو كيشوف فيها...

غالي:شنو ندير،شنو ندير اميراي،أنا خايف علك را لي كنعيشو بزاف عليا،الراجل لي قلت صاحبي وخويا طلع غذار،وختي لي نتي كتقولي عليها ختك،كانت قدامي وجنبي وقريبة ليا وماحسيتش بيها،وماقدرتش نحميها من يدين داك الكلب وتعدى عليها وخطفها،ودبا قتل ليكم واليديكم باش يحرقنا حنا،ومزال ماشبع وناوي يأديكم حتى نتوما...راه ناوي الغذر بأبشع الطرق اميراي،غير سمحي ليا حتاش درت هادشي وحتاش خليتك تزوجيني في هاد الوضع وبهاد الطريقة ولكن بزز مني نتي كيخصك تبقاي بجنبي باش رتاح علك لا وقعت لك حتى نتي شي حاجة ماغنقدرش نسامح راسي...

قرب باس جبهتها لي سخونة وبعد وهو يوقف دخل دوش وخرج لبس عليه كيطما وتم نازل كيهدر في التلفون...

غالي:بركا من تفاهات..وااش مزال لحد لأن هاد الكلب ماوصلتو ليه...

سيف:الغالي تهدن عفاك شنو واقع تاني...

غالي:"خرج الجردة" سمع اشريف،هاد الكلب قتل أم ميراي وبات ريم مرت ضياء،ونزيدك أجمل شيء،راااه خاطف ختي...

سيف:كفاااش؟

غالي:كما كتسمع...ختي عاليا صدقت هي أسية يازين خت ميراي...وماوقفش هنا اسيف،هو راااه غتاصبها وتعدى عليها...

سيف:كفاااش؟

غالي:سيف،قلبي محروق بلا قياس،كيخصك ولا بد تعرف فين هو هاد الكلب،وليت عايش على أعصابي وكنفكر في ختي وفي نفس الوقت العائلة وكملت علياميراي لي ولا كيهددني بيها..

سيف:وخا وخا الغالي غير صبر عليا نهضم هاد صدمات،الغالي كنظن جا الوقت تسول جدي..

غالي:فاش؟