حارستي الشخصية🗽مكتملة🗽

🗽الجزء 7🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 7:

دغيا وقفت وخا رجلها تلوات ليها وهي تلاح فوقو وحيدت ليه الكاسكيط حتى بان وجه الشيفور...دارو بيهم لكارد هازين أسلحتهم ووقف غالي كيشووف فيها ومنصف...قربو هزوه وهو يوقف النصيري وخنزر وقت شافو...قرب عطاه لحنك...

النصيري:كتحاول تقتل حفيدي...

الشيفور:"شاف فيه" اه وما غنهنا حتى نقتلو كتسمع...

كاع العائلة حضرت من غير ضياء...

زكرياء:غالي نتا بيخير؟

حرك غالي راسو وقرب من الشيفور...

غالي:ممكن نفهم علاش؟علاش باغي تقتلني؟

شيفور:بسباب بااك مرتي ماتت،الله ياخد فيكم اللحق كلكمممم...

غالي:هاز هاد الحقد كلو لمدة 20عام؟

الشبفور:ماشي غير انا،اي واحد كان باك سباب في تعاستو ينتاقم منكم كلكممم...

النصيري:دووه من هنا يتربى...

جروه لكارد وهو يخنزر النصيري في منصف ومشا داخل...شاف غالي في ميراي ومشا دغيا تابع جدو...مشات كاع عائلة دخلت...

منصف:تفضلي...

شافت فيه...وهي تمشي تبعاهم حتى دخلو لصالة والجد جالس في مكانو وكلهم ديرين بيه..

ماريا:"مربعة يديها"كيبان ليا بلي اعداء اب غالي ينتاقمو من غالي دبا...

صفاء:"جلست" كيخصنا نزيدو الحراسة اذن...

غالي:سكتووو صااافي..."خنزر فيهم وهو يشوف في جدو" قول ليااا شنو واقع هنا؟

الجد:كفاش شنو واقع نتا ماعرفش زعما؟

غالي:علاش داك الشيفور بغا يقتلتي وشنو وقع لمرتو؟

ياسين:"جلس وشاف في غالي" باااك كان فااسد،وقت كانت عندو السلطة تافق مع شي ناس وخلاو عمليات القلب يكونو بأضعاف تمنهم وهاد راجل ماكانش عندو الفلوس ومرتو مااتت...

غالي:"ربع يديه وهدر ببرود" وانا مالي؟

أنور:"راجل صفاء" الحقد خلاهم يحقدو علك حتى نتا مع باك...

النصيري:هكاك اغالي كيخصك تجمع حويجك وترجع لكندا،تماك مأمن لك كتر...

غالي:"بسخرية" وسط عائلتي ومامأمنش اش بقا في بلاد غريبة...

صفاء:"قربت منو وشدت في دراعو" غالي هاد شي على قبل مصلاحتك...

غالي:"بغوات ومورك على أحرف كلماتو" ماراااجععععشششش،لي باغي يقتلني يجي مرحبا...

النصيري:"وقف"غتبقى هنا حتى يقتلوووك...واش حماقيتي...انا ترزيت في باك ومك وتكمل حتى نتا...نتا رااك حفيدي ووريثي...