حارستي الشخصية🗽مكتملة🗽

🗽الجزء 132🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء132:

أما ريم كانت جالسة في البيت ساهية،حتى دخل ضياء وجلس جنبها وشد يدها وهي تشوف فيه دغيا...

ريم:هذا نتا..

ضياء:شنو واقع ريم؟

ريم:"تنهدت" ماعرفت علامن بكي اضياء الدين،على أنهار لي كانت كاتمة حزنها في قلبها ولا على ميراي لي حالتها كتر منها،خايبة خايبة بزاف شخص لي تبغيه مايطلعش عند مستوى توقعاتك...

ضياء:دبا كيخصهم يقولو لينا كولشي واش وقع معاهم باش نعرفو نتعاملو معاه،واش نتي كتعرفي عليه شي حاجة؟

ريم:ماشي بزاف،ممكن البنات عارفين،انا في ديك المدة كنت مسافرة لمدة شهرين،وقت رجعت لقيت كولشي مقلوب...

ضياء:اوكي فهمت...

بقات ريم كتشوف فيه وهي تقرب عنقتو..

ريم:غتبقى جنبي ياك..

ضياء:حتال لخر....

بعد ماتهدن كولشي وتكالما تجمعو البنات والدراري في الجردة...عطات ميراي لبنت خدامة طلعها بعد مانعست...

ريم:ودبا قولو لينا اش وقع،فهمونا باش نعونوكم...

شافت انهار في ميراي لي شافت فيها...

ريم:ميراي،على اقل قولي نتي...

ضياء:باش نعرفو كفاش نتعاملو مع الوضع..

ميراي:"نزلت عينيها" تعرفت عليه اول مرة في لاصال،عرفني براسو وقال مجرد شخص كيشوف مصاراعاتي،ولا كيبان قدامي فيما مشيت،في المصارعة،في لاصال،في القراية،كل مرة أش كيقول...

أنهار:وتيقتيه..

ريم:انهار.."شافت فيها انهار وقلبت وجهها"

ميراي:ولينا أصدقاء...في ذيك المرحلة ماكانتش فرصة نعرفكم عليه،داز الوقت وعتارف ليا بحبو و "غالي كيسمع وكيحس بعروقو غيطرطقو وخا مبرد من برا" ومع الوقت انهار شافتنا انسوبل...

انهار:وكذبتي عليا وقلتي مجرد اصدقاء ونتونا كتحابو..

ميراي:"شافت فيها" ماعرفت ماتقول،وو خرجت ديك الكلمة بلاما نحس...

ريم:ونتي اانهار؟

أنهار:"رجعت شعرها لاور" تلاقيتو مرة خرى في الكوميسارية،كنت كنخدم في فرع الجرائم وهو كان عندو مشكيل مع فرع المخدر*ات وماكنتش عارفة،حتاش مايمكنش فروع يدخلو في خدمة بعضياتهم،كذب عليا وقال تسرقت ليه فيلا ديالو...وانا حتاش غبية قلت صديق ميراي قلت ليه نشوف فيلا نقدر نعونو،وياسبحان الله كفاش قدر ماشي غير يجيب فيلا مسروقة،"شافت في ميري" قدر حتى يكمل في لعب لي بداتو لالة ميراي...وبعد ديك ليلة رجعت تلاقيتو في لاصال،بدو بيناتنا أحاديت،وعرض عليا العشا،تعشينا وكاع احاديتو على لالة ميراي،شنو كتبغي شنو كتكره شنو ماباغاش...شكيت ولكن قلت لا صحبتي تكذب عليا وهي مع واحد...ومن بعد مدة،شفتو مرة خرى وعرفني حتى على باه وزير الخارجية المصون,حسيت باعجاب جيهتو..حتى كنتصدم بالعشاق في اللاصال عيشين الحب...