حارستي الشخصية🗽مكتملة🗽

🗽الجزء 4🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 4:

🌐بمـــكـــان أخـــر...

وقفت بطااكسي قدام الحي وهي تنزل وحلت الكوفر وكتغوت..

ميراي:ماما...مامااا شي واحد يجي عاوني...

هزت الگفاف ودقت في الباب حتى حلتو مرا كبيرة في العمر ولابسة بيجامة ويلة ومديرا شاال حياتي....

مليكة:دخلي دخلي...

دخلت ميراي حطت دااك شي وخرجت عاود هازة قراعي الموناضة...

ميراي:تأكدي ولش جبد كولشي،جبت العطرية ودجاج وزيتون وحامض والروز تع السفة وموناضة...

مليكة:"كتقلب" والخبز...

ميراي:قلت لمعاد يجيبو معاه مني يكون جاي...

مليكة:ااه مزيان...

مشات ميراي خرجت سدت الطااكسي ودخلت حطت سوارت وسبادري...حتى تمت نازلة مع دروج كتمختر بديك الجلابة الحمرة...

أسية:هااي...

ضربت فيها ميراي طالعة في الدروج وهي تنهد أسية ومشات دخلت لكوزينة...

أسية:ماما فيا جوع...

مليكة:عااد فقتي،واش اليوم خطبتي ولا خطبتك ياهاد البنت...

أسية:وفهمت عطيني مانحنجر مشي عند الكوافورة...

مليكة:را البيض طيبيه وكوليه اش نعطك انا...

أسية:اووف...

مشات حلت تلاجة جبدت البيض وخدات المقلة،شافت في التقدية...

اسية:شكون جاب هاد شي معاد؟

اسية:شكون جاب هاد شي معاد؟

مليكة:ختك هي لي جابتهم...

أسية:الله الله ختي ولات سخية بزااف...

مليكة:"شافت فيها مخنزرة" بااز لك ءبنيتي،عيشين في خيرها وكتنكرو...

أسية:اييه ماقلناش العكس،ولكن هذا شغل معاذ ماشي شغلها هي،هو لي خونا الكبير....

مليكة:خووك،خوك لي مزوج ومدير داارو مامسوقش ليكم...باز لك بنيتي..غبري من قدامي حسن لك...

تنهدت أسية وخدات كطيب،بقات مليكة وااقفة وهي طفي البوطة على كوكوط ومشات طالعة في الدروج...حتى حلت البيت وهي تشوفها نااعسة...مشات جلست حداها وحطت يدها على راسها...

مليكة:بنتي،خدمتي ليل كلو تاني...

ميراي:"سادة عينيها"مممم...

مليكة:نعسي لك شويا وغنجد لك الحمام دخلي تفرطي حالتك من الوسخ،نسخنو لك مزيان...

بتاسمت ميراي وحركت راسها وهي مغمضة عينيها،وقفت مليكة دارت الخامية على شرجم مظلمة البيت ومشات خرجت سادة الباب...
نزلت مليكة على الدقان ومشات حلت الباب...وهي تشوفو واقف بموطورو...