حارستي الشخصية🗽مكتملة🗽

🗽الجزء 123🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء123:

رجعت أسية لقصر وهي تصدم بوجود غالي وميراي...كانو جالسين في الجردة ...

غالي:عاليا،وجدي راسك غنخرجو ليلة...

أسية:غنخرجو؟فين ياك ماشي بلاصة كتبغيها ميراي؟

شافت فيه ميراي وهو يشوف فيها...

غالي:لي بغا يمشي لشي بلاصة يمشي ليها،نودي بدلي غنخرج غير انا ونتي اليوم...

بقات اسية غير كتشوف وشافت في ميراي ونادت وقفت...بقات ميراي كتشوف فيه وهي تنزل وجهها جهة البنت وعينيها مدمعين...ناد وقف غالي وهو تجي اسية ومشاو خرجو...

ميراي:"كتشوفهم خارجين بالطنوبيل" شفتي ابنتي،باك معصب مني،ولكن شنو ذنبي "شافت فيها" انا درت هكا غير على قبلو،هو على قبلي شويا ولكن...اووف دبا قولي ليا ابنتي كفاش نخليه يسامح ليا؟

بنت:ااغغغ اغغغ..

ميراي:اه هو كيبغيني ياك،"بتاسمت" مايقدرش يقاومني وغادي يسامحني الليلة هههه...يخليلي يااك...

🌐عند غالي..

دخلو لغيسطغو وطلبو ليهم الماكلة...

اسية:مخاصم مع ميراي...

غالي:لا...

اسية:"شافت فيه" اذن مالك معاها؟

غالي:"شاف فيها" والو..

اسية:عاود ليا،انا ختك صغيرة زعما...

غالي:هههه اوا ياختي صغيرة عاودي ليا نتي على راسك،انا انا وميراي ماكنتقاداوش...

اسية:كنحسد ميراي..

غالي:علاش؟

اسية:حتاش لقات واحد كيبغيها...قول لك سر...

غالي:لي هو؟

اسية:ماكرهتش شي واحد يبغيني كما كتبغي نتا ميراي...

غالي:"شد يدها" غتلقايه ...

بتاسمت اسية وتنهدت...حتى جااها ميساج وهو تشوف في التلفون ورجعت طفاتو...

غالي:ماقلتيش ليا،كتبغي شي حد؟او كتعرفي شي؟

أسية:"شافت فيه" ءء؟

غالي:عقليتي مقديماش،غير يكون راجل وقاد بمسؤولية بعدا...

اسية:"بتاسمت" دبا ماكاينش ومستقبل ماعرفاش ههه...

شاف فيها وبتاسم،لأول مرة يجلس هو ووياها راس في الراس..تنهد ونزل راسو..

رجعت اسية وغالي لقصر كان كولشي نعس...طلع غالي لبيت وهي جلست كتمسد في رجليها حتى يجيبو ليها الحليب ديالها...

دخل غالي لبيت وهو يخرج عينيه وسد الباب كيدور في عينيه في الشموع لي في البيت..ضحك على حالة البيت بالشموع والورد...شاف فيها كفاش ناعسة على الفوطوي وعنقها عوج وهو يشوف في السرير لي راسمة فيه قلب بالورد حمر...

غالي:حمقة هههه...

مشا شعل الضو وهو يتنهد وقرب منها كيشوف فيها بفستان بأحمر زوين لافوت الوحيد هو المعري كتر من المغطي،كان نص في صدرها باين مغطي غير الريوس بلا صماطي حد الفخاد...جلس جنبها وهو يبعد خصلات شعرها من على وجهها ورا وذنها حتى لمس حلقاتها الصغار البيضين..هبط بصبعو مع وذنها الصغير لي تشهى يمس شحمتهم برطوبيتهم حتال لعنقها الأبيض وهو يوقف عند عقد ألماس لي كان هداه ليها...

غالي:في لخر لبستيه..

بتاسم حتى حلت عينيها وهي تشوف فيه ودغيا تقادت في الجلسة..

ميراي:"رجعت شعرها لاور" امتى جيتي؟

غالي:قبل شوي..

ميراي:تعطلتي بزاف،وخا تكون خارج مع مرتك ماتعطلش هكا...

غالي:بقات لك غير عاليا برافو..

وقف كيحيد في الساعة وهي وقفت عنقتو من لاور...

ميراي:ماتبقاش مقلق مني الغالي،راني كنتشوا هكا..

غالي:ولكن وقت شويتيني انا هانيا..

ميراي:سمح ليا...

غالي:شنو باغا دبا..

طلقت منو ودارت تقابلت معاه وهي تقرب دورت يديها على عنقو..بتاسمت وهو يسرط غالي ريقو من شفايفها بلون الحمر..

غالي:هاد الروج حمر علاش خرجوه اممم،خاصني ندعي شركات...

ميراي:"بتاسمت جنب" وعلاش؟

غالي:"خرج تنهيدة من القلب" حتاش مني كديريه كتلفيني على القبلة..

ميراي:هههه بحالا نتا اصلا عارفها فين جات...غالي "حطت يدها على خدو وهي كتحسس في لحيتو لي كتافت" خلينا نبداو من جديد...

غالي:غالي مستعد يمشي معاك حتال الموت نتي غير أمري...

ميراي:"بتاسمت" غالي..

غالي:"حط يديه على جنب خصرها وقرب لعنقها كيشم ريحتها" روح غالي،حياة غالي،قلب غالي...

غمضت ميراي عينيها كتحسس في أنفاسو وهي تعنقو...

ميراي:كنبغيك،كنبغيك بزاف وتمنى ربي مايحرمنيش منك...

غالي:"بتاسم" امين وحتى نتي "بعدها وهو يطلعها ونزلها بالفستان" كان خاصني بقا واقف عليهم نهار شراو هاد الكساوي...

ميراي:ههههه خديتو لأسية ماتخافش ماعنديش..

غالي:مابقيتش كنعرفك الالة ميراي اممم..

ميراي:هههه مزال غتفاجأ كتر..ماتبقاش تقلق مني حتاش لي كنديرو غير على ودنا...

بتاسم غالي وهو يقرب حط يدو على عنقها وجبهتو على جبهتها..

غالي:شكون يتقلق منك ازرقة العيون شكون،نتي لي تقتليني وتحييني،نتي لي كتحركي عقارب حياتي كيف باغاا،نسا كولشي،نسامح كولشي،فقط أمري املكة قلبي...

بقات ميراي كتشوف فيه،بتاسمت على هاد زهر والمكتوب لي تكتب ليها،عطاها الله واحد كيبغيها ويحماق ليها،يمكن صافي حياة ضحكت ليها في وجه غالي،وتعطاتها فرصة مع راجل مايتعوضتش،قرب منها غالي حاط شفايفو على شفايفها...وهي غمضت عينيها ودورت يديها على عنقو...

يتبع...