حارستي الشخصية🗽مكتملة🗽

🗽الجزء 40🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء40:

غالي:ضياء "شاف فيه" نتا عارف بلي طلاق ماكاينش في العائلة علاش تزوجتي بريم...

ضياء:"كان كيشوف في انعكاسهم في ماء تاع لابيسين"لي دار الذنب يستاهل العقاب...

غالي:تزوجتي البنت بزز منها...واش هذا مجرد عقاب...نتا بززتي عليها زواج...وزواج ماشي لعب اضياء...هو مسؤولية كبيرة...ولا ماكانش الحب واحترام المتبادل بين طرفين مايقدرش يستمر...

تقابل معاه ضياء وهو مامبدلش نظرتو وواتق من نفسو...

ضياء:استمرار مزال ماعرفناه واش يكون او لا،ولكن باش بنت تشمتني وتشوهني ونسكت لا اغالي،انا مزال نذوقها من بزاف كيسان حتى تندم على النهار لي فكرت تشوف جيهتي...الزواج غير البداية...وأيضا "قرب منو" حاول تلقا لراسك حل عاد شوفو ليا انا...مشكيلتك كبر مني...انا فقط زواج ولكن نتا "بتاسم بسخريا" كرش على قدها..."بعد عليه" حتى في الك*وا مادرتيش حسباتك...

غالي:"صغر عينيه" انا ماشي ضحية شاد قضياها هنا باش بدا رجف قدامك...على أقل انا مالاعبش بحياة بنات نااس...

ضرب فيه مشا مخلي ضياء واقف كيشوف قدامو...بتاسم ضياء بسخرية وهدر بهمس..

ضياء:غنشوفو شكون فينا غادي ينقد راسو هو اللول..

خرج غالي لبرا وهو يشوف في ميراي وخنزر...حل الباب ركب وهي تنهد ميراي وركبت...شافت فيه من المرايا حتى هدر بلاما يهز عينو...

غالي:لشركة..

ديمارت الطنوبيل بسرعة وقفت قدام الشركة...شافتو نازل دااخل بلاما يهتم بيها وهي تحط راسها على الفولون...صونا تلفونها وهي تبعد شافت رقم مها وجاوبت..

ميراي:نعام ماما..

مليكة:بنتي ولد عمك راه وصل عفاك سيري جيبيه هو وعمك ومرتو من المطار...

ميراي:"تنهدت ماشي من عادتها ترفض ليها طلب" وخا ماما غادي نجيبهم ولكن كيف ديرين بعدا را نسيت على وجوهم..

مليكة:هما كيعرفوك غير سيري...

ميراي:وخا..

قطعت وشافت في الشركة وديمارت بسرعة جهة المطار...

🌐عند انهار...

كانت جالسة خدامة على ضوسي ومرة مرة كتشوف في تلفونها...هز كريم عينيه فيها...

كريم:كتسناي شي حد؟

أنهار:ءءء؟

كريم:من صباح ونتي كتشوفي في التلفون ياك لاباس؟

أنهار:لا لا والو..

دق الباب ودخل بوليسي...وهما يشوفو فيه..

_كوميسير أنهار شااف باغيك..