حارستي الشخصية🗽مكتملة🗽

🗽الجزء 34🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 34:

دق الباب وهي تحلو كتشوف فيه...مد ليها كرطونة وهي تشدها...

ضياء:5دقيق تكوني برا..

سدت الباب في وجهو مخنزرة...

بقا ضياء براا غادي جاي حتى جاات صفاء...

صفاء:ولدي فين أسمهان تعطلتو...

ضياء:"تنهد" أسمهان هربت...

صفاء:كفاااش؟

ضياء:اه...

صفاء:اويلي شنو نديرو دبا...تشوهنا...جدك يموت مافيهاش شك...عرفتي أهم رجل أعمال هنا بقا والو ووقعو معاه صفقة مهمة...لا تعرفت بلي هربت غيسالي كولشي...

ضياء:لقيت حل...

صفاء:"بشك" شنو هو؟

ضياء:غنتزوج...ماشي بأسمهان بوحدة خرى...

صفاء:ولكن...

ضياء:واش كاين شي حل ماما...هاد الحل الوحيد لي عندنا...

صفاء:عدول برا عندو وراقك مع أسمهان كفاش غتزوج بوحدة خرى اولدي...

ضياء:منصف كيقاد ليا وراق دبا...هدرت مع واحد القاضي صاحبي وقاد معاه كولشي...

صفاء:"تنهدت" ماعرفتش ماعرفتش...مهم غنحاول نوقعو صفقة دبا...

مشات أسمهان هازة تكشيطا ديالها وهو يرجع ضياء شعرو لاور بعصبية وكيتحلفها في أسمهان وباها...مشا كيدق عليها...

ضياء:واش مزال...سربي دغيا...ماتقوليش ليا قفطان ماجاكش تاني...

ريم:اووف مين جايبو هذا..فيه 50كيلو...

ضياء:غندخل..

ضياء:غندخل..

حل الباب وهي دور ريم شاافت فيه كان قفطان بالخضر ملكي كياخد العقل بالضمة بالصفر...بقا كيشوف فيها كفاش جاها زوين بلا قياس...خنزرت فيه وهي تقاد شال ديالها حتى جرها من يدها...

ربم:وطلق اووف..كنعرف نمشي بوحدي..

وقف طلق منها وشاف فيها...وهو يمد دراعو...خنزرت وشدت في دراعو..مشاو نازلين مع الدروج وهي تبدل الموسيقى وكولشي شاف فيهم...

ريم:غندمك...

بتاسم ضياء وشاف فيها وحتى هي شافت فيه مخنزرة ودموعها حبسااهم...شافت قدامها وهو يبتاسم...

ضياء:مزال لياام وغادي نشوفو شكون يندم تاني....
شاف قدامو وهو يوقف شاف في مو باش تنقد الموقف..

صفاء:"مع الجد" وقع لي وقع ابابا..

شاف فيها النصيري وهو يضرب بعكازو...
دخل منصف مع العدول وجلسو وخلص لخرين مشاو بحالهم...مشا ضياء جرها وجلسو...