حارستي الشخصية🗽مكتملة🗽

🗽الجزء 77🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 77:

🌐في غرفة العمليات...

حتاش كانو الغرف عامرين لخرين طرو يدخلو ميراي وغالي لنفس غرفة وكل واحد في جهة...كانو كيحاولو يخرجو الرصاصة من كتف غالي ويوقفو النزيف من كتفو وراسو وحتى ميراي كيحاولو يخرجو الرصاصة من كرشها ويوقفو النزيف..كيتسمعو غير أصوات آلات...كولشي مراقب حالة الضغظ واوكسيجين والنبضات القلب...
جبدو ليهم الرصاصة دقة وحدة...وهي تسمع طنننن في آلة تاع ميراي وتزاد النزيف وهما كيحاولو يوقفوه وضغطها كيتزاد،اما غالي كانو يله كيخيطو ليه الجرح حتى تسمع طنننن ونبضو وقف...خرجو أطباء عينيهم...

طبيب:جيبو صعقاات كهربائية سربيو...

عرا على صدر غالي وهو يخرج عينيه...

طبيب:فين سجل هاد المريض؟

ممرضة:انا غنسولهم..."مشات كتجري خرجت"...

طبيب:واش هذا كان مدير عملية تاع القلب "شاف في الطبيب المساعد" واش ماقالو ليكم والو؟

طبيب مساعد:لا..."بدا المساعد كييدير اسعافات لعالي ويورك على قلبو"

دخلت الممرضة عندهم...

ممرضة:دكتور سولتهم قالو ليا بلي هو مدير زراعة تاع القلب..

طبيب:هدري معاهم يجيبو سجلو طبي...خدمو صواعق تحركو على 100k...

خدا كيضرب في صدر غالي لي كيتهز حتال الفوق وينزل..

طبيب:"ديال ميراي" عطووني قطن تحركووو وعطوها ****...سربيو لا بقينا هكا غنخسرو المريضة...

كيمدو ليه القطن وهو كيمسح في الدم لي خارج لميراي حتى عمر طااسة والنزيف مابغا يوقف...

♾️في عالم أخر..

كانت جالسة في لأرض جنب البحيرة وضباب مغطي المكان وهي لابسة كسوة طويلة بالكمايم بأبيضوشعرهاأشقر مطلوق براحتو وكتشوف في البحيرة...

ميراي:شحال غنبقى تسنا...

تنهدت وهي دور عينيها،حتى شافتو جااي من بين الضباب ووقف قبالتها وهو لابس ديك القاميجة البيضا مع سروال بيض...وقفت قبالتو...بتاسم لها وقرب باس جبهتها...

غالي:تعطلت علك؟

ميراي:"شافت فيه" علاش تعطلتي تسنيتك بزاف...

غالي:كنت مطر نتعطل،ولكن انا هنا دبا ماغنخليكش ...

ميراي:"بتاسمت" نمشيو؟

غالي:نتي عارفة لا مشينا مانقدروش نرجعو مرة خرى..

ميراي:"مدت يدها ليه" خلينا نمشيو اغالي،هاد العالم ماعطانا والو...