حارستي الشخصية🗽مكتملة🗽

🗽الجزء 105🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء105:

أنهار:يعني كولشي كان كذوب؟الحب،العلاقة،وكلامك؟

زكرياء:عطيني فرصة نشرح لك...

أسماء:اااه،كولشي كذوب،زكرياء كيبغيني...

زكرياء:اسماء...

أنهار:ه‍هههه كيبغيك؟"طاحو دموعها" واضح...واضح بلي بغاك كتر مني..."شافت في زكرياء" علاش ضحكتي عليا...شنو درت لك..

زكرياء:مادرتي والو..."بدا يقرب"

أنهار:لا درت،غلطي بغيتك،بغيتك بزاااف..بغيتك ازكرياء كتر من راسي...وقفففففف،ماتقربش ولا نقتلك...

زكرياء:قتليني،قتليني انا قدامك يله..."شد فوهة السلاح حطو على قلبو" قتليني يله...

أنهار:"طاحو دموعها" هيء هيء علاش كديرو ليا هكا،علاش كولشي كيمشي ويخليني في نص الطريق هيء هيء،في لول بابا ومن بعد ماما،وحتى لي كنت بغيتو قبل مابغانيش وبغا صاحبتي هيء هيء،ودبا نتا،مابغيتينيش من أساس كيفهم كلهم،كلهم متلو عليا الحب واهتمام وخلاوني،علاش شنو درت،شنو درت ليكم حتى تأدوني تمرضوني،كنت طبيعية وكنبغي بشكل طبيعي،ولكن علاش كولشي هرسني وحطمني...

زكرياء:"جرها عنقها" ششش كولشي يتصلح...

أنهار:"حاطة راسها على كتفو" حتى حاجة ماغتصلح،حتى حاجة ماغتصلح ازكرياء،حتاش كنبغيك ماغنقتلكش،ولكن نقدر "دفعتو وشيرت بسلاح جهة أسماء" نقتلها ونكمل على لي بديتو..

زكرياء:لااا،انهار عفاك،ماديريش شي حاجة تندمي عليها..

اسماء:عفاك نزلي سلاح..

زكرياء:انهار،كنواعدك كولشي يتصلح...

أنهار:حتى حاجة ماغتصلح اازكرياء،"شافت فيه" انا تقهرت هيء هيء عيت بزاف،عيت نبين راسي قوية،كنبغيك،كنبغيك بزااف كتر من راسي،هيء هيء ياريتك بغيتيني..."شافت في أسماء" عندي لك اشهار واعر من مرضي،بطلة الرواية نتاحرت...

خرج زكرياء راسو وهي تحط سلاح على راسها وطلقت الزناد..

زكرياء:أنهاااااااار...

طاحت أنهار في أرض مغمضة عينيها غارقة في دمها...

زكرياء:لا لا أنهااار "قرب هز راسها" انهاااار...

أسماء:خاصها تمشي لوبيطال...

شاف فيها مخنزر وشاف في انهار وهزها بين يديه خارج كيجري....ركبها لاور في الطنوبيل...

زكرياء:ركبي سوقي...

لاح سوارت لأسماء ودار ركب جهة أنهار وحط راسها على ركابيه...حيد قاميجتو وحطها على الجرحة موقف النزيف ..

زكريلء:سربي نتيي...

اسماء:وخا وخا...

زادت في السرعة وشاف زكرياء فيها وشد يدها...

زكرياء:انهار،عفاك لما فيقي،ماتخلينيش..

وقفو قدام الكنينيك وجابو البياس مدخلينها...

🌐عند ميراي وغالي...

كانو وسط البحر كيعومو وهي لابسة دوبياس وهو شورط..

ميراي:ههههه غااالي...

هزها من لاور وهو يبدا يدور فيها حتى طاحو بجوج في الماء...

ميراي:هههه جاتني الدوخة حشوما علك...

غالي:"طايحين وسط الماء" عيون القط مهبلاني...

ميراي:هههه...

قرب بغا يبوسها حتى دفعتو وخرجت من البحر ووقفت كتقيأ..ستغرب ومشا خرج وهز بينوار حطو عليها وهي تشوف فيه ومسحت فمها...

غالي:صاڤا؟

ميراي:غير تقلبت معدتي مع دورتيني هكاك...

غالي:اممم...

قاد ليها البينوار حتى لبستو وسدو ليها...

ميراي:في البحر عادي وغير خرجت لويتيه عليا...

غالي:"حط يديه على جناب خصرها" حتاش مابغيتش نخسر لك..نمشو ناكلو؟

ميراي:هههه وخا..

كانو غادين حتى هزها بين يديه...

ميراي:اااايي غالي بشويا ههههه..

غالي:ههههه ماخاصش رجيلاتك يمشو على لأرض...

ميراي:كنبغيك هههه..

غالي:وكنموت فك...

دخلها لبيت..وبدلو وخرجو يدورو في الجزيرة...جلسو في بلاصة ياكلو كملو وبقاو باركين وميراي كتشوف في البحر وغالي حاضيها،عينيها زادو برز لونهم قدام لون كيشبه ليهم...

غالي:حبيبتي..

ميراي:"شافت فيه" نعام..

غالي:مني نرجعو غنهدر مع جدي على ود طلاقي من ايملي..

ميراي:بصح؟

غالي:بركا،عيت بقا ندير ليه الخاطر،جا الوقت ندير لخاطر لينا...

ميراي:"بتاسمت" عندك الحق،أفضل شيء...

غالي:"شد يدها باسها" شنو حبت حبيبتي نديرو،نسافرو لشي بلاصة اممم؟نتي كيعجبك السفر وكنتي باغا نسافرو...

ميراي:عاقل؟

غالي:قلت لك،من لول وانا كنبغيك،أي حاجة كنتي ككتقوليها كانت كتغرس هنا "شير جهة قلبو" مانسا حتى حاجة كتعلق بك...

ميراي:هههه بغيت نمشو لبزاف البلايص ولكن دبا خلينا هنا،هاد البلاصة زوينة...

غالي:بصح زوينة،ولكن بسباب تغيرات المناخ قلالو الناس فيها...

ميراي:هي كنتي كتجي قبل؟

شاف فيها وبتاسم ورجع شاف قدامو وهي بقات حاضياه...

ميراي:يله نود...خلينا نودو ندورو بغيت نشري اكسيسوارات بحال لي كيلبسو هنا...

شاف فيها ووقف جراه...

يتبع....