حارستي الشخصية🗽مكتملة🗽

🗽الجزء 78🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء78:

~هــي أقـــدار وســـتــجـــري مثــلــما كُتبـــت، فالحمـــد لله~

كان سيف راجع بحالو بعد ماعطاهم الدم وهو يوقف كيشوف فيها حالة عينيها كتشوف في السقف،كان باب البيت محلول...بقا كيشوف فيها وهو يتنهد ونزل راسو...حركت عينيها شافت فيه وهي تبقى محكرة فيه الشوفة...

أسية:دخل..

شاف فيها سيف وهو يدور عينيه وراه لقاها هدرت معاه سرط ريقو ودخل عندها...قرب منها كيشوف فيها وهي تقادت في الجلسة كانو معلقين ليها السيرو ودوااو ليها الجرح وعطاوها بيجاما من توع الكنينيك...تقادت في الجلسة وهي كتشوف فيه...

أسية:حاسة براسي شيفاك في شي بلاصة قبل...

بقا سيف كيشوف فيها،نزل عينيه أش يقول ليها بلي هو لي نعست معاه وخسرت عذريتها على يدو وهي ماعقلاش عليه حتاش كانت سكرانة وهو نعس مع البنت لي كان طول السنين كيعتابرها ختو...بقات أسية كتشوف فيه وهي تنزل راسها...

أسية:نت كنتي معاهم،اذن كتعرف دوك الرجال لي جاو يعتقونا؟

سيف:اه...

أسية:والغالي النصيري،واش بصح خويا...

شاف فيها سيف وحرك راسو بايجاب...

أسية:كي بقا وكي بقات ختي؟

سيف:مزال ماعرفت...

أسية:مزال ماقلتي ليا واش تعارفنا قبل؟

سيف:"شاف فيها وورك على يدو" لا علاش غنتعارفو قبل،اول مرة كنشوفك..

حركت راسها وهي تحيد السيروم ونزلت رجليها لبست فيهم...

اسية:كيخصني نشوفهم...

لبست في رجلها وهو يتبع ليها العين وتنهد وتبعها...رجعو عندهم وأسية كدور في عينيها وسط العائلة شافت في ريم وأنهار مشات عندهم...

اسية:أش قالو عليهم؟

ريم:ولاو بيخير ولكن ميراي مزال حالتها حرجة...

اسية:أش كتقولي،واش مزال حياتها في خطر؟

حركت ريم راسها بأه وهي تحط أسية يدها على فمها ودمعو عينيها...شافت فيها أنهار ووقفت تقابلت معاها..

أنهار:أسية كيخصك تكوني قوية،ولكن كيخصك تعرفي كيف مابغاو يكونو الأحوال،ماماك الله يرحمها..

بقات أسية كتشوف فيها،وهي غير كتشوف أش غتقول ولا أش غدير،المرا لي فتحت ليها حضنها ورباتها وكساتها وقراتها حتى وصلت لي هي فيه كتقول ليها الله يرحمها...

انهار:"حركتها" أسية،كيخصك تكوني قوية،ختك في وضع مامزياانش...

أسية"هبطت عينيها" الأخبار تكبت عليا كلها،اليوم كنعرف كولشي دقة وحدة،ماحيلتي نفهم بلي طلع عندي أخ ماحيلتي لك ونتي كتقولي خسرت ميي ولا ختي لي كتحارب الموت..."شافت فيها" لمن نعطي لراس..