حارستي الشخصية🗽مكتملة🗽

🗽الجزء 149🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء149:

سلمان:لا بغيتي زعما مرحبا...

ميراي:صراحة اسلمان...خرجت المصارعة من بالي...انا دبا كنفكر فقط في ولادي وراجلي وكفاش نخلي عائلتي على خير....وحتى لافكرت نخدم كاين بزاف الحويج مي المصارعة وعالم السبور قررت نبعد عليه...حتاش فغيمو تأديت وسط هاد العالم...

سلمان:اه فهمتك...ماعليش المهيم هو لي ترتاحي فيه...

حطت االخدامة اتاي وحلاوي ووهو يوقف سلمان شافت فيه ميراي باستغراب ووقفت...

ميراي:افين جلس تشرب اتاي..

سلمان:لا سمحي ليا....تبعني شغل مهيم وجيت غير نطمن علك...خليت لك الراحة..

يله يدور غادي حتى وقف مجمد بيها داخلة بديك الكسوة لي حد الركبة عريضة سماطي وطالقة شعرها على راحتو وميكاب خفيف وكرشها المديورة قدامها لي واخا تحاول تخبيها واضحة...بقا سلمان كيشوف فيها مامنزلش عينو عليها حتى وقفت قبالتو وهي شافت فيه وشافت في ميراي...

اسية:سلام...

ميراي:اه اسية...سلمان كنعرفك ختي صغيرة وخت غالي حتى هو...اسية وهذا سلمان كنت خدامة معاه قبل في لاصال...

بتاسمت ليه اسية وهو شاف في كرشها وشاف فيها...

سلمان:مشرفين مدام...

اسية:مدموزيل مزال ماوليت مدام هههه...مشرفين اسيدي...

شافت في طبسيل الحلوى وهي تشوف فيهم ومشات هزت جوج حلاوي كضحك ومشات طالعة وهو متبع ليها العين...

سلمان:واش ختك مطلقة؟

شاف في ميراي وهي تنهدت وهدرت بحزن...

ميراي:أغلاط كتوقع...وخير الخطائين توابين...

سلكان:ضحك عليها شي حد؟

ميراي:بحال داكشي...

سلمان:اه فهمت "شاف في طريق مين مشات اسية وشاف في ميراي وبتاسم مابغاش يكتر" نخليك دبا..

حركت راسها وودعتتو لحتال لباب ومشا بحالو..

حلت الباب ودخلت راسها كطل في البيت..حتى هز عينو فيها وهو يتقاد في الجلسة كان مسرح فوق السرير والبيسي قدامو...وكيهدر ابيل فديو مع رئيس...حرك يدو باش دخل وهي تحل الباب دخلت وسدتو من وراها وقربت جلست فوق السرير كتشوف فيه وهو كيهدر...

سيف:اذن شنو.....من شهورة حاط نفس الطلب وماباغينش يقبلوه...واش هكا اتفاقنا...

عمر:اسيف كي ندير لك...كولشي باغيك تبقا شاد المهمات الميدانية...نتا كتفهم في الميدان كتر من المكتب...

سيف:انا عارف مصلاحتي...سمعني الله يرحم لك الواليدين...انا قريب نولي أب...ماديروش فيا هكا...ماتخلونيش نيتم ولدي وهو مزال ماكبر...هاد العالم كلنا عارفينو...لا انا كنخرج منها كل مرة ماكيعنيش نبقى دائما نخرج منها...عمر جوج كلمات...يايعطوني المكتب وانا بقا نتحكم في مهمات الميدانية لا بغاو من بعيد...ولا نقدم استقالتي ونساليو هنا...

عمر:واش مريض باغيهم يقتلوك...استقالة نساها وانا نقول ليهم كلامك ورد علك...دبا غير رتاح عندك اجازة طويلة...

سد سيف البيسي بعصبية في وجهو قاطع ابيل وشاف فيها...حط البيسي جنب وشد يدها جارها عندو حتى هي قربت جلست حداه وهو يحط يدو على كرشها...

سيف:شحال دبا؟

أسية:8..

شاف فيها سيف وشاف في كرشها وهو مشهي يشوف كرشها بلا حويج...

سيف:من ديك ليلة؟

أسية:شوف غير نتا...

هز راسو فيها وهي بعدت عينيها من عينيه...حتى حط يدو على خدها ودور وجهها حتى تقابل مع وجهو كتشوف فيه...

سيف:توحشتك بلا قياس...بُعدي علك كان أكبر عقاب كناخدو في حياتي...كفاش مزال نقدر نبعد علك ااسية...

أسية:"عينيها مدمعين" ولكن بعدتي وعاقبتيني انا...بُعدي علك وهاد الروح لي في كرشي..نتا ماعارفش كفاش حسيت وقت عرفت راسي حاملة وكفاش بقيت بوحدي كي الحمقة ماقادرة نشوف في وجه حد...

سيف:كنواعدك مانخليكش هاد المرة وماتفرقني علك غير الموت الفعتي..

بتاسمت وسط دموعها وهو يمسحهم كيشوف فيها...بغا يقرب منها وهي توقف بعدت عليه...

اسية:ماتلمسنيش هادالمرة حتى تزوجو كيف الناس..

سيف:وغير بوسة ماتحمل ماغضر..

اسية:لا...

مشات خارجااا:تقرب ليا نقولها لخويا..

سبف:وغير بوسة...اسية مافعايلش...رااني مقطوع حشوما علك "سدت الباب خرجت" اوا عقلي...

بتاسم وهو يهز مخدة صغيرة عنقها كيشوف قدامو..

يتبع...