حارستي الشخصية🗽مكتملة🗽

🗽الجزء 131🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء131:

ميراي:ماكنتش عرفااه حقير وموسخ وقتااال...

انهار:"بغوات" كان خااصك تعرفي،كوون عرفتي ماكناش وصلو لهنا،ماكنتش نولي كي حمقة من علاج لعللاج طول عااامين،ماكننتتش غنمرض بأمراض لي كنعيشهم،حتاش حتى وااحد ماعارف الكابوس لي عيشني فيه،هو كان كيسيفط رجال كيشبعوني ضرب او كيركب فيا الخوف،واش كظني انا مريضة نفسيا غير هكاك اميراي...

ميراي:حتا انا خسرت خدمتي وحياتي...

أنهار:لا،لا اميراي ماشي نفس شي،تبغي تعرفي علاش،حتتااش بغااك،لوو نتي مادرتيش فيها الصديقة الوفية وتنازلني وبقيتي معاه،كنتي تبقاي بخدمتك وبحياتك ومن فوق يمكن تكوني من اغنى الاغنياء مع ولد الوزير،ولكن انا لا،حتااش كرهني وكان يبقى يكرهني ويدمر حياتي ونفسيتي...حتى من طبيبتي ماقدرتش نقول ليها،ماقدرتش نقول ليها كفاااش عذب نفسيتي حتتاش حشمت نقول كنت كنبغي واحد بحالو...

ميراي:واش قلت لك بغيه،واش قلت لك انا خبي،واش قلت لك سكتي،لا نتي سكتي ومرضتي تحملي نتائجو...

انهار:عرفتي شنو،بكا على الميت غير خسارة،ومشكلتنا ماعندهاش الحل،حتاش صافي لي وقع وقع،لا انا غيفدني العلاج ولا نتي غترجعي خدمتك...

ريم:"وقفت بعدتهم على بعضياتهم" كولشي كيسمع فيكم،بركا..

انهار:عندي سؤال اميراي،كون مادخلتش بيناتكم،واش كنتو غتكملو...واش كنتي غتبقاي معاه؟بطبع غتبقاي حتاش كان في داك الوقت مزال بوجهو ملائكي نفسو لي كيوريه لأسية...

ميراي:انهار كتخرفي...

انهار:ماكنخرفش،انا بصح بغيت جواب،عامين وانا كنتسائل،واش كون مادخلتش بيناتكم واش كنتو غتكملو.."بغات تمشي ميراي وهي تشدها موقفاها" قولي ليا واش كنتي غتبقاي معاااه...

ميراي:"شافت فيها"طال الزمان ولا قصار كان يبان وجهو،وانا ماكنتش غنبقى معاه...

انهار:"طاحو دموعها" فهمت..

بقات ميراي كتشوف فيها وهي تجرها معنقاها...

ميراي:"بصوت مخنوق" كرهت راسي،كرهت لحظة لي تعرفت فيها عليه،كرهت كولشي فيه اسمو،سمحي ليا كون ماعرفتكش عليه ماكانش يوقع كاع هاد شي..."طاح دموعها"

بعدت عليها ومشات طلعت بالجرى...تبعها غالي وانهار شافت في ريم لي حركت راسها يمين ويسار..

ريم:كتزيدي الملح على الجرح...لا نتي ولا هي دزتو من القليل...مي اش نقول ماباغينش ترحمو ريوسكم...

مشات ريم وهو يوقف ضياء تبعها...وقف زكرياء جرها جلسها وجلس جنبها...

زكرياء:فهميني القصة...

شافت فيه وهي تحط راسها على صدرو كتبكي،تفكرت جزء من العذاب لي دوزتو...

♻️فلاش باك..

كانت غادة في الشارع خاوي حتى وقفو جوج بمواطرهم....شافت فيهم بغات تكمل وهما ينزلو قدامها..

رجل:فين غادا ازين..

انهار:حيدو من قدامي..

بغات تمشي حتى شدوها بالقوة وطيحوها كيضربو فيها برجليهم ويديهم حتى زرقوها ومشاو،حلت عينيها وهي توقف بزز كتحلفها فيهم ورجعت لدار لي كانت قريبة...غير حلت الباب وهو يتكب عليها دم الخنزير...

انهار:ااااعععع...

وقفت كترجف وهي كتشوف في راسها كلها دم...شعلت الضو وهي ترجع دغيا خرجت برا وهي كتشوف في ريوس نااس معلقة...وقفت بالجرى خرجت هربانة ولي تقول ليه شي حاجة ماتيقهاش بسباب حالتها...

♻️النهاية...

أنهار:هو مجرم،الحبس بزاف على واحد بحالو "بعدت وشافت في زكرياء"كيخصو يموت باش تهنى منو البشرية وانا لي غنقتلو...

بغات توقف وهو يشدها مجلسها ووورك على يديها..

زكرياء:شوفي انهار "جر وجهها تقابلت معاه" غتهدني وخا،العصبية ماعندها فاش تنفع..

بقات كتڜوف فيه بعينين مدمعين وهو يجرها عندو معنقها...

،🌐عند ميراي...

دخلت لبيت غادة جيا بتوتر،علاش رجع وكفاش رجع،اش بغا منهم بعد هاد المدة،خوفها رجع،اه خايفة منو،حتاش ماساهلش لي دازت منو بسبابو...
دخل غالي كيشوف فيها وهوو يقرب منها...

غالي:ميراي..

ميرائ:"شافت فيه" هو،هو رجع،هو شيطان،قتال هيء هيء...

جرها غالي معنقها...

غالي:ميراي عفاك،نساي...

ميراي:كفاش،كفاش نسا،ماسمعتيش انهار،ماقدراش نتخيل من اش دازت بسبابو...

بعد عليها غالي ومسح دموعها،مشا جبد مهديء بغا يعطيه ليها...

ميراي:لا،ماخصنيش ناخد ادوية دبا...

شاف فيها غالي وهو يقرب منها كتر..

غالي:واش حاملة؟

بقات كتشوف فيه وهي تحرك راسها بأه،بتاسم غالي وقرب باس جبهتها وهي غمضت عينيها،بعد عليها..

غالي:تعالي تغسلي اذن...

شد يدها داها تغسل وخرج بيها لجردة كيتمشاو باش تهدن...حطت راسها على كتفو وهي كتشوف قدامها...

ميراي:وشنو لا كانت اسية كتبغيه "وقفت تقابلت معاه" خاصنا نهدرو معاها وو...

غالي:حبيبتي،خليني انا غنهدر معاها،نتي ردي فقط لبال لصحتك وخا..نتي دبا حاملة وماشي كيف قبل..

ميراي:ولكن...

غالي:ميراي،انا ديما كنسمع لك،هاد المرة سمعي ليا وخا...

ميراي:وخا،ولكن بغيت نمشي نشوف ملاك...

غالي:ملاك؟

ميراي:"بتاسمت"سميت بنتنا...

مشات غادة داخلة وهو متبع ليها العين...

غالي:غادي لقا معاه حل،غير رتاحي...

يتبع...