حارستي الشخصية🗽مكتملة🗽

🗽الجزء 107🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء107:

نزلت أسية بجرى في الدروج حتى كانت غطيح كون مايدو لي شدت يدها وجرتها من الهاوية كانت غتكون طايحة دبا...دور يدو على خصرها هازها من ارض لا تفقد توازنها وصدرها على صدرو،هزت عينيها فيه وهو كيتفحص في ملامحها بتسائل...

سيف:مالك؟

بغات تنزل ولكن بقا حاكمها حتى حطها وهي تبعد...شافت في تلفونها كيصوني وهي تشوف فيه وشافت قدامها...شافت في تلفونها وقطعت...

سيف:"مصغر عينيه" شنو واقع؟

أسية:والو،"شافت فيه" حتى لا وقع نتا ماسوقكش..

بغات تنزل وهو يشدها من يدها مورك عليها وهي خسرت ملامحها بألم...

سيف:فاش كنسول كتجاوبي...

أسية:غنجاوب وقت نبغي ولمن كنبغي،مادخلش في شي حاجة بعيدة علك وعرف حدودك مزيان اسي سيف الدين الوزاني...

بقاو كيشوفو في بعضياتهم حتى حركو عينيهم جيهة الصوت..

الجد:أش واقع معاكم؟

طلق سيف من يدها ونزل عند جدو وهي ترجع شعرها ورا وذنها وتبعتو نزلت..

الجد:صوتكم مسموع حتال لبرا،سيف هكا كتعامل ختك لي يله رجعت لدارهم...

سيف:"خاشي يديه في جيوب السروال" اييه على راسي وعيني ولكن لا فاتت حدودها ماضمنش..."شاف في أسية" ختنا رجعت لدارهم بعد سنين "حط يدو على راس أسية لي مخنزرة فيه" وكيخصها وقت باش تعرف قوانين العائلة...

الجد:هههه عندك الحق،اوا علمها نتا...عاليا سمعي كلام خوك راه بمتابت خوك في تقادة غالي تقريبا،يله انا غنمشي...

مشا طلع وهي تخنزر فيه بغات تمشي حتى شد يدها وقرب منها...

سيف:ماسمعتيش،قالك تسمعي لكلامي...

أسية:"تقابلت معاه هازة حاجبها" سيف،عطيني تيقار وبعد مني حسن لك وليا...

سيف:حتى تقولي ليا أشمن مشكل عندك...مانبغيش ختي صغيرة طيح في شي مشكيل وعندها 3خوت قد جمل...

أسية:3؟

سيف:غالي وضياء وزكرياء...

أسية:كتقصد 4،حتى نتا وليتي محسوب منهم...

جرت دراعها ومشات خرجت وهو متبع ليها العين،جبد تلفونو...

سيف:خرجت دبا بنت خالي،تبعها...

قطع وتنهد مشا طالع...

🌐في الكنينيك..

خرج الطبيب من غرفة العمليات وهما يشوفو فيه...

الطبيب:كيخصكم تحمدو الله،حتاش قدرنا عتقوها بأعجوبة...

كولشي رتاح وهو يكمل الطبيب طريقو مشا...خرجوها داوها لغرفة عادية...بعد ساعات دخلت ميراي هي وغالي لكنينيك...