حارستي الشخصية🗽مكتملة🗽

🗽الجزء 54🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء54:

ميراي:وزواجك؟

غالي:دبا شنو نفهم؟

ميراي:"دورت عينيها ودارت يديها ورا ضهرها" فهم لي عجبك...

بقا غالي كيشوف فيها وهو يجرها عندو معنقها وهي طلقت من يديها وحطت يدها على دراعو..

غالي:اذن نفهم نتي ديالي..

ميراي:ديالك؟"شافت فيه" على انا سلعة؟

غالي:نتي حياتي...

خرجت عينيها فيه من كلامو لي صدمها وهي تهرب عينيها وبعدت عليه...

ميراي:خاصني نمشي..

يله يهدر وهي تمشي دغيا هربانة منو...بقا متبع ليها العين وقرب كيشوف فيها نازلة...تنهد وهو يهز تلفونو ودخلو لكارد كيطفو العافية...

غالي:مسالي؟

سيف:تعالى..

قطع غالي وشاف في البيت كيتحرق ومشا نازل...

🌐عند أنهار...

كانت جالسة كتقرى في الضوسي وهي توقف كطرطق صبعانها...شافت في كريم لي نعس وخرجت برا خدات قهوة كتشرب فيها في جردة كوميسارية...جبدت تلفونها وهي تنهد بضيق وشافت في سمااا...حتى حست بشي حد جنبها وهي تشوف فيه دغيا...وسعت عينيها وهي كتشوف فيه وهو كيشوف في سماا..

زكرياء:قمر كيشوف في نجوم؟

شاف فيها وهي تبتاسم..

أنهار:توحشتيني؟

زكرياء:"تقابل معاها" توحشتك بلا قياس...الوقت تعطل ونتي مزال خدامة...

أنهار:هادي هي الخدمة.

زكرياء:وخا لالة...مانعطلكش بزاف اذن..

بغا يوقف وهي تشد يدو ورجعت جلستو...شاف فيها وهي تقرب منو...

أنهار:توحشتك..خليك شويا معايا...

زكرياء:نبقى ولكن بشرط...

أنهار:لي هو؟

زكرياء:غذا بغيتك ديري ليا وقت ضروري..

دورت عينيها وشافت فيه وبتاسمت...

أنهار:وخا سيدي..

بتاسم وهو يتقاد في الجلسة وهي نفس شد...حتى مد يدو باش تعطيه يدها وهي تشدها وقربت حطت راسها على كتفو...

أنهار:علاقتنا هادية هكا كتعجبني،تمنى تبقى هكا صافي...

زكرياء:"شد يدها بيديه بزوج" ان شاء الله...

بتاسمت وغمضت عينيها وهو بقا سااكن وكيشوف في باب كوميسارية...

زكرياء:"في خاطرو" ماغنرتاحو حتى هنا من داك كريم...

كانت متكية في بلاصتها وكتبتاسم كي شي حمقة...دخلت أسية بعد مادوشت وتخشات حداها...

أسية:ختي شفتك كضحكي بوحدك ياك لاباس؟

ميراي:"شافت فيها" هااء؟انا؟

أسية:وشوفي نتي...

ميراي:والو نعسي.."عطاتها بالضهر"

أسية:اوا الله يستر...

هزت أسية تلفونها على الميساجات في واتس،حتى كيبان لك البنت معمرة تلفون بسميات دراري....كلهم سيفطت لهم نفس الميساج ان شاء الله بعد مابغاو يتلقاو معاها ونعست..

حلت ميراي عينيها وهي كتعض في صبعها وكتفكر في كلامو «غالي:نحرق أي حاجة تبعدني علك»...بنت غير دور وضحك ماحسااش بطيحتها فين وصلت...

🔆أصبح وأصبح الملك لله...

جمعت ريم صلايتها بعد ماأسلمت ووقفت حطتها جنب ودخلت لبيتها لبست حوجيها وخرجت تمشي لخدمتها...وصلت ودخلت جلست في بلاصتها حتى وقف عليها جلال...

جلال:ريم على سلامة..

ريم:"شافت فيه"الله يسلمك..

جلال:على أيّ،ريم وقت تسالي سيري مع شي صحفي لمحكمة..

ريم:علاش؟

جلال:على ماخباركش بلي محاكمة بزناز اليوم...

ريم:"وقفت دغيا" امتى؟

جلال:"شاف في ساعة في يدو" مزال ساعة باش تبدا...

ريم:بسلامة.."هزت ساكها خرجت كتجري"

جلال:غنسيفط شي حد وراك..."غبرت من قدامو" هادي مالها؟

يتبع...