حارستي الشخصية🗽مكتملة🗽

🗽الجزء 18🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 18:

🌐عنــد غالي وميراي...

كانو مزالين في نفس المكان...حتى بعد غالي وشاف فيها مزال متكية...

غالي:فيا جوع...

حلت عينيها وهي تلاح من فوق طنوبيل قبالتو..

ميراي:شي مطعم؟

غالي:تووو،بعدا فين مسمن لي قلت تجيبي ليا...

ميراي:"بدهشة"كتهدر من نيتك؟

غالي:لا من ريتي...

ميراي:ههههه اربي اغنياء حتى هما كيعرفو المسمن..

بقا غالي كيشوف فيها كفاش ضحكت...خلاتو يبتاسم وهو كيشوف في ضحكتها لي نادرا الشخص يشوفها...

ميراي:دبا شنو؟

غالي:فاش؟

ميراي:فين تاكل خلااص؟

غالي:اممم "دور عينيه في البحر" حوت..مشهي الحوت..

ميراي:اممم اذن سيادة الرئيس مشهي الحوت...ركب عندي لك بلاصة غتعجبك...

شاف فيها وبتاسم وركب حداها...ركبت ميراي وهي تشوفو جنبها...

ميراي:غلطتي لا؟

غالي:غنباتو وتحركي فيا جوع...

ديمارات ميراي وهي غير كتشوف في حالو...مسافة الطريق وقفت بيه حدا النهر وهي تشير لواحد المركب..شافت في غالي...

ميراي:تعالى...

مشاو نزلو حتى ركبت في الباطو وهي تشد في يدو...شد في يدها وتلاح فيه حتى كان طيح وهي تشدو...

ميراي:لا طحتي غنتقلبو كلنا...

شاف فيها وهو تشير ليه يجلس..مشا جلس وشافت في رجل باش يتحرك...جلست حداه وهو كيدور عينيه في النهر...حتى وقف وهو يهز عينيه في واحد القهوة كبيرة وشعبية...ريحة الشوى وطياب كيتشم منها...نزلت ونزل حتى هو...جبدت خلصت رجل عطاتو 20 درهم ومشاو طلعو في الدروج وهي تصفر رجل لي قابل شوايا كان رجل كبير في العمر...بتاسم وحط من يدو ودار عندها كيضحك...

جيميري: بنتي ميرااا حبيبتي..

عنقها وحتى هي عنقتو بفرح...بعد كيتفحصها كان رجل شعرو بيض ولحية البيضة خفيفة وبشرتو بيضا وعينيه خضرين...

جيميري:غبرتي حتى توحشناك..

ميراي:عمي لباس عليك...تحسنت لغتك كتر من أول هااا...

جيميري:هههه بسباب صاحبتك...

ختفات ابتسامة ميراي تدريجيا بكلمة صاحبتك وهو يشوف جيميري في غالي لي واقف كيدور في عينيه...