حارستي الشخصية🗽مكتملة🗽

🗽الجزء 38🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 38:

شافت فيه بعينين مكتسيهم الحزن وحمرين بكترة ماحابسة دموعها نهار كلو...

ميراي:فاش كنتي باغي تهدر معايا...

قرب خطوة قبالتها وهو ملامحو ممحية...جرها بسرعة من دراعها عندو معنقها مدور يديه عليها بتملك...خرجت ميراي عينيها لي بداو يدمعو...

غالي:مقلقة،معصبة،باغا تغوتي،لي بغيتي ديريه،ولكن ماتعاملينيش ببرود...

ميراي:كفاش نعاملك...بحب متلا "بعدت درعيه وتقابلت معاه" نتا باطرون ديالي اسي غاالي النصيري...

غالي:هاد شي من حمل ايملي؟

بتاسمت بسخرية وبعدت وجهها...

ميراي:وانا مالي "شافت فيه مخنزرة ومعصبة" ماالي في حمل قح*بتك منك ليها كتفهم..."هزت صبعها بتحذير قبالتو" ويااك تفوت حدودك كتفهم...أنا ماشي من نوع البنات لي كيتحلو قدااممك بفلوسك ولا زينك...هاد شي ديرو مع لي في مستواك...اما انا..

غالي:"دار يديه في جيوب سروال كيشوف فيها بطريقة مستفزة ومصغر عينيه" أشمن مستوى نتي اذن،ماتكبريش من راسك بزااف ابنت أحياء شعبية،عندك الحق ماكيخصنيش نفوت حدودي مع ناس ماكيستاهلوش...

بقا كيشوف فيها وعطاها بالضهر وهي وجهها ولا حمر مارضاتش يهدر معاها هكاك...

ميراي:"هدرت بالغوات وبسرعة" نتا شنو كظن رااسك،شكون تكون في ملك الله باش تقلل مني هكا...لا نسيتي بلي نتا لي جاي عندي..نتا واش كظن نبغي او فكر في واحدبحالك...وخا تبقا غير نتا في ملك الله انا عمرني نشوف فك اغالي النصيري...حتاش نتا اصلا ماكتبانش ليا رااجل ورجلة بزاف علك...

وقفت كتلتاقط أنفاسها بسرعة ماعرفاش أش مخرجة على فمها بغات غير تبرد لي في قلبها...حتى داار شدها من درعيها بالقوة جرها حتى بقاو بعض سنتيمترات ويتلقاو جبهاتهم...هدر كارز على سنانو ومخنزر مخليها مصدومة من حالتو...

غالي:نتي قلتي ماهامكش ياك...وخا لالة ميراي،نتي قبل شفتي غير غالي،ولكن من اليوم غتشوفي غالي النصيري،غادي نوريك اميراي شنو كيعني ترفعي صوتك وشاانك قدامي،جيت اليوم نهدر معاك ولكن نتي زدتي بكواريك لسمااا،شوفي دبا واش باقا الأرض تشدك ولا تلقاي غير الحفرة لي انا غنغرقك فيها...

دفعها مخنزر مخليها غير كيشوف...كما دمها كيغلي هو نفس شي،هي كتقول ليه أنا مولات تحدي وهو كيقول ليها انا لي صنعتو...كل وفاش كيفكر...ميراي لي بغات تحرقو كما حرق قلبها وهو نفس شي باغي حرقها كما حرقت رجولتو دبا...
مشا غالي وهي تجبد كارو بيدين كيترعدو بزز قدرت ديرو في فمهاا وشعلتو...