حارستي الشخصية🗽مكتملة🗽

🗽الجزء 139🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء139

نزلو لتحت مجموعين على الطابلة حتى نزل سهيل مع أسية لي شاد في يدها...شافو فيهم وهي تجر أسية الكرسي وبغا يجلس جنبها حتى شد يدو...هز سهيل راسو فيه وهو يبتاسم....

سيف:بلاصتي...ماغتخدهاش...

حيد يدو وجر الكرسي جلس،بقا سهيل كيشوف فيه وهو يجلس من جهة التانية...غمضت أسية عينيها وهي كتشم في ريحة الشراب وشافت فيه لي كان كيشوف فيها وعينيه حمرين،ليل كلو ماشاف النعاس ولا داقو...نزلت عينيها وهو يهبط يدو بغا يشد يدها وهي كتبعد فيه حتى شدها بزز وهما يشوفو في بعضياتهم...جرت يدها ووقفت خرجت...وقف سيف وشاف فيهم كيشوفو فيه...

سيف:ليل كلو وانا خدام،غنمشي ندوش باش نصحصح...

مشا سيف دغيا طلع لبيت وحلو دخل كيشوف فيها جالسة كتبكي،مشا جلس على ركابيه قدامها...

سيف:كيهددك،قولي ليا واش كيهددك،"جبدكاميرا صغيرة كي العين وراها ليها" لقيتها في البيت،واش كيهددك بشي حاجة هدري اسية..

أسية:هيء هيء كل لي كيوقع بسبابك هيء هيء...

جرها سيف معنقها وشم ريحتها ورجع بعد مسح دموعها...

سيف:لمسك؟هدري واش لمسك؟

أسية:ولا لمسني اش يتبدل اممم،كاع لي كيوقع بسبابك اسيف وعمرني نسمح لك...بسبابك نتا هيء هيء قلت لك تزوجني ومابغيتيش ومع ذلك كنتي كتجي وتنعس معايا عادي،شنو ندير دبا،انا حاملة..

خرج سيف عينيه وهو كيشوف فيها...حطت يديها على وجهها كتبكي وهو قرب معنقها...

سيف:شش غلقا حل،ليل كلو كنقلب كي الحمق،ولكن حافظ سواريه وصعيب لقا دليل عليه...

كان واقف ورا الباب كيسمع فيهم وهو يبعدو كيشوف فيه كفاش معنق ختو،ورك على يدو وهو كيشوف فيه ومخرج عينيه بصدمة من الكلام لي سمعو...بغا يدخل ولكن منع نفسو...

غالي:"بهمس" الحساب ماشي دبا اسي سيف،حساب وقت نسالي مع هاد الموسخ...

مشا رجع بحالو وهو يبعد سيف شاف في الباب ورجع شاف فيها...

وقف غالي عند الدروج قدام سهيل لي واقف،بتاسم سهيل لي مداير فاصمة على نيفو وهو يقرب منو...

سهيل:سي غالي..

غالي:"بتاسم" حبل الكذوب قصير،ولعب ماكيحلا الا وقت كيكونو كاع أوراق مكشوفة،ونتا مكشوف قدامي،"قرب ضرب على صدرو بشويا براحة يدو" بجوجنا تربينا وسط وسخ الفساد السياسة،كاين اختلاف بسيط،انا فضلت نكمل حياتي في نقى ونتا ختاريتي تكمل في الوسخ،المافيات لي نتا خدام معاهم غيجي وقت ويعطوك بضهرهم...