حارستي الشخصية🗽مكتملة🗽

🗽الجزء 170🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء170:

🔆أصبح وأصبح الملك لله...

حلت ميراي عينيها على صوت الباب وهي تشوف جيهتو لقاتو واقف قدام الباب...حتى تحل وهو توقف دغيا لبست في رجلها...شاف فيها وتهرب عينيها وخرجت دغيا تقلب على ولادها...تنهد غالي وتم غادي وراها...نزلو لتحت وهي تشوف ملاك في أرض كتوكل فيها الخدامة مشات هزتها دغيا باستها وعنقتها وجلست..

ميراي:هاري انا نكمل ليها الماكلة.. "خدات الطبسيل" فين علي براء؟

خدامة:مع الجد ألالة في البيت..

ميراي:جيبيه ليا..

حركت خدامة راسها ومشات وهي باست ملاك وبدات توكل فيها...وقف غالي وربع يديه كيشوف فيها...هي حست بيه واقف ماهزتش عينيها فيه...

غالي:بعدو علك غير ليلة ماشي شهورة...

ميراي:ماكتسناكش تعطيني نصائحك...

بقا غالي كيشوف فيها وهو يشوف في الخدامة جابت علي براء...مدت لها علي براء وخداتو ميراي باستوو حتى هو ليل كلو عقلها يخرج...من نهار تولد علي براء مانعسش بعيد عليها..عاد لي هما فيه ولات توقع كولشي من غالي...

دخل الجد جلس وشاف فيهم..

الجد:اوا اش درتو؟

غالي:شوف مرت حفيدك...واش رجع عقلها لبلاصتو ولا لا...

شافت فيه وقلبت عينيها وحطت ملاك كتلعب في أرض وباست علي براء كتشوف فيه...جلس غالي مزال حاط عينيه عليها غياكلها بعينيه...

الجد:يهديكم الله على هاد قصوحية راس...

ميراي:"شافت فيه" واش اجدي درت شي حاجة من راسي...واش انا لي كذبت وغذرتو...

غالي:طلبت منك سماحة واش مزال كتر...نود نقتل راسي...

الجد:ماعندك ماتقتل نتا...ونتي ابنتي راه راجلك وداك شي كان من الماضي..

ميراي:اذن علاش كذب عليا اجدي...ياك انا مرتو كفااش حبيبتو ولا مانعرف اش كيقول عليها مجرد صديقة...

الجد:صافي ابنتي وغلط كيوقع...

ميرتي:يوقع لا بغا يوقع ولكن انا ماغنسامحوش...

الجد:شنو باغاه يدير باش تسمحي ليه؟

شاف فيها غالي منتاظر الجواب بفارغ الصبر وهي شافت في غالي ورجعت شافت في الجد...
ميراي:باغا نستاقل ونخدم...

وقف غالي كيشوف فيها..

غالي:كفاش تخدمي...على مالك اش خاصك؟

ميراي:"مدت علي پراء لجد ووقفت مقابلة معاه" كما كتسمع...