حارستي الشخصية🗽مكتملة🗽

🗽الجزء 120🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء120:

🌐في القصر...

كانو مجموعين على طابلة العشا..

ماريا:عمي،زكرياء غيتزوج..

شاف فيها الجد وشاف في زكرياء وحرك راسو..

الجد:شكون هي؟

ماريا:بوليسية،ماتخافش ماشي فقراء بزاف،على اقل عندهم خدامة..."ضربها زكرياء من تحت الطابلة" احمم كتعرفها هي صاحبت ريم وميراي ديك السمرا..

الجد:اممم،نتا ازكرياء باغيها؟

زكرياء:ههه كتسولني،ولا قلت اه ونتا ماعجباكش غتجيب ليا حتى انا شي وحدة تلصق فيا كرش؟

ياسين:زكرياء حتارم جدك...

زكرياء:حتى يخلي لينا علاش نحتارموه...

الجد:ماشي مشكيل قولو لي عجبكم وانا ساكت فقط حتاش عندكم الحق..

ماريا:مهم هدرت اعمي مع أم البنت وغنديرو الخطوبة والعرس نهار واحد هنا في القصر..

الجد:وخا..

ضياء:غالي غيسافر لكندا ومايبقاش يرجع..

كولشي شاف فيه وهو تنهد وناد وقف طلع لبيتو...شافت ريم فيهم كولهم مصدومين،شافت في الجد لي نزل راسو وهي توقف تبعتو...

دخلت عندو لبيت..

ريم:ضياء..

شافتو في البالكو وهي تخرج عندو..

ريم:واش غيسافرو؟ميراي قبلت؟

ضياء:"خرج تنهيدة من القلب"قبلت..

ريم:يعني صافي غيمشيو؟

ضياء:هاد شي لي باين لحد ساع "دار شاف فيها" لا كان يرتاح بعيد افضل..

ريم:"شافت فيه" كنظن دبا لقيت موضوع برنامجي...

ضياء:شنو هو؟

ريم:قريب تعرف...غنمشي نهدر مع ميراء دبا..

حرك راسو ومشات دخلت وهو شاف في الغابة قدامو..

ضياء:ولفناهم..

♻️بعد مرور أسبوع..

🌐عند غالي...

غالي:ميراي سربي تعطلنا...

نزلت ميراي هي واسية وهي هازة البنت...وقفت قدامو وهو شاف في البنت وشاف فيها...

غالي:مزال عند قرارك...غديها معاك؟بسبابها غناخدو طائرة خاصة باش مايسولوش على وراقها...

ميراي:غالي واش نخليها هنا بوحدها حشوما علك،مشو تماك ماتعرف نتلقاو بمها..

تنهد غالي وشاف في أسية..

غالي:عاليا،حبيبتي بعد اسبوع ماشي بالكتير غيسيبو لك جواز وتبعينا اوكي..

اسية:ماتخافش هتمو غير بريوسكم ههه..

غالي:يله..

مشا خرج وهي تشوف ميراي في اسية..

ميراي:غتمشي تبقاي في القصر كما تافقنا اوكي.

اسية:وخا يله سيري ماتعطليش..

ودعتها ومشات ميراي خرجت..

🌐في المطار..

كيف نزلو من الطنوبيل كانت أنهار هي وزكرياء وضياء وريم كيتسناو فيهم...

انهار وزكرياء تزوجو البارح في عرس كبير ليل كلو وهما من حفلة لحفلة بسباب مهم يله طلقتهم يمشو لشهر العسل...

عنق ضياء غالي كما حتى زكرياء عنقو وبنات عنقو ميراي...

ميراي:غنتوحشكم؟

البنات:حتى حنا..

ضياء:ضروري غنجو عندكم...بعد هادالسنين مانكسروش العلاقة...

بتاسم غالي وشاف في ميراي لي شافت فيه وبتاسمت...وخا صعيب عليها بزاف تخلي بلادها مي كتبين العكس قدامو...
ودعو بأول زكرياء وانهار ركبو في طائرة جهة شهر عسلهم...بقات نص ساعة باش توجد طائرة غالي ميراي...

غالي:مييراي جلسي انا نمشي نودعهم حتال لبرا..

ميراي:وخا...

جلست وهي شادة البنت في حضنها ومشا غالي مع ضياء وريم...بقات جالسة حتى سمعت صوت عكازو ضرب حداها وهي تهز راسها فيه...

الجد:ممكن شويا من وقتك...

بقات كتشوف فيه وحركت راسها بايجاب وهو يجلس حداها..

يتبع...