حارستي الشخصية🗽مكتملة🗽

🗽الجزء 11🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء11:

أسمهان:ضياء نجيب ساكي ونخرجو...

ضياء:ماقلتش لك،غالي هنا ونتغذاو انسوبل...

اسمهان:اااه غالي ولد خالك..اوكي جا وقت نتعرف عليه...

حرك راسو وطلع لفوق وهو يحل الباب دخل وشاف فيه كيهدر في تلفون...

ضياء:انا تحت..

حرك غالي يدو ومشاو خارجين نازلين في الدروج وغالي كيهدر...

غالي:"بعد تلفون وشاف في ضياء" علم زكريا ماعلمتوش...

شاف فيه ضياء شوفة تاع من نيتك مخليك ساعة أش كنتي كدير...هزو غالي كتافو...وصلو فين جالسة ميراي لي شافتهم ووقفت وتمت غادة وراهم...

غالي:حبيبتي نهدرو من بعد...

قطع معاها وضياء كيشوف في تلفونو...

ضياء:الحب زعما..

غالي:على أقل ماكتزوجش على قبل الخدمة فقط..

شاف فيه ضياء شوفة تاع من نيتك وهو يبتاسم غالي ووقفو كيتسناو في طنوبيل حتى وقفت أسمهان..

اسمهان:غالي سلام انا اسمهان...

مدت يدها وهو يسلم عليها غالي...

غالي:متشرفين امرت خويا...

اسمهان:هههه مزال ماوليت..

غالي:"قلب يدها شاف في الخاتم" ماكيبانش العكس...

بتاسمت اسمهان وجمعت يدها وهي تشوف في ضياء لي كيشوف قدامو بعدم الاهتمام...
هي عارفة بلي علاقتهم محدودة في الخدمة وهاد خطوبة وزواج كلو على ود الخدمة...

بقات ميراي واقفة كتشوف فيهم من بعيد..حتى وقفت طنوبيلات وهو يشوف فيهم غالي...

غالي:عندي سائقة عزالة علاش دو طنوبيلاتكم...

بتاسمت ميراي بسخرية وضربت فيه من وسط منهم وخدات سوارت وطلعت برديخ....

ضياء:ماباغيش نموت...اسمهان يله...

ركبو وهو يبتاسم غالي وركب وهو يتحرك ضياء قدامهم وتبعتو ميراي...

وصلتهم لفندق ونزلت من وراه مربعة يديها ولكارد خاص بضياء جنبها..حتى جلسو وبقاو واقفين هما...دخل زكرياء ومعاه لكارد ديالو وهو يسلم عليهم وجلس...

زكرياء:أفضل شيء درتوه هو هاد الغذااء هههه...

ضياء:غالي هو لي بغا...

زكرياء:شوفو اش رأيكم نسافرو عيت من دار...

غالي:"كيلعب بصبعو على فوهة الكاس الدائرية" نتا ديما مسافر امتى كنتي جالس...

زكرياء:هاهاها ضحكتيني..

ضياء:ناخد حوت..

غالي:بحالك..

زكرياء:"خدا الموني كيشوف" اممم بيتزا...

شافو في دراري وهو يهز كتافو بلا مبالاة...

زكرياء:كتعجنبي هههه.."شاف في لكارد واقفين وفي ميراي لي وراه وهو ينغز غالي" وتا قول ليها تمشي...

غالي:شكون؟

حرك زكرياء عينيه جيهة ميراي لي خنزرت فييه...شاف فيها غاالي وحرك يدو لطابلة حداهم...

غالي:جلسو تماك وطلبو ليكم الغذاا...

مشاو ليكارد جلسو وهي تنهد ميراي وجلست وجبدت كتكمي...طلبو ليهم ولكن هي مابغاااتش...بقا غالي حاضيها شاف في مدير بغا يجي عندها حتاش ممنوع الكميان وهو يحرك يدو مانعو...

غالي:سسسس "شافت فيه ميراي وهو يحرك يدو بحالا كيكمي" ممنوع...

شافت قدامها وهي طفيه في طبسيل وربعت يديها وجبدت تلفونها كتلعب لعبة...بقا غالي كيشوف فيها...

اسمهان:اول مرة شوف بديگارد بنت...

شاف فيها غالي وشاف قدامو فاش حطو ليهم الماكلة...

بديگارد ضياء:انا عبد الحق...

مد يدو باش يسلم وهي تشوف في يدو وشافت فيه وشافت قدامها...

عبد الحق:كيبان فك قاصحة....

بديكارت زكرياء:كول كول هاد نوع ماكيهدرش....

خنزرت فيه ميراي وهي تشوف قدامها...

داز الغذا ومن بعد توادعو ووصلتو ميراي لقصر وبقات تماك ماتبقى من اليوم...حتى ضربت 9ليل ومشاات بحالها بطنوبيل الخدمة لي عطاوها ..

هكا دازو أيام كتجي ميراي ياتخرجو يتغذاو او كيبقى في القصر وتبقى غير جالسة...

كان جالس كيقرى في جغنال وكيشرب من قهوتو بكل جنتلمانية...حتى دخل طاكسي وهو ماعطاش أمر أهمية...وقفت ميراي وراه..

ميراي:منصف قاد أسلاك كهربائية في كل بلاصة ولكن ماكيعنيش تاخد راحتك...

غالي:"بتاسم" لا كنت غادي نموت غادي نموت وخا نكون وسط بيتي...

ميراي:كتلعب بالعلالي...

بتاسم وهي تختافي ابتسامتو بصوتها انثوي وراه...

ايمي:غالي..

وقف وهو يدور شاف فيها من ورا ميراي حتى جات كتجري ضربت في ميراي وتلاحت عنقتو وحتى هو عنقها...

ايمي:I miss you, I miss you so much "اشتقت لك،اشتقت لك كتيرا"

غالي:I too "انا ايضا"...

بعدت وهي تبوسو في فمو حتى بعدت ميراي عينيها لي كانت واقفة كتشوف فيهم...رجعت شافتهم منغامسين وهي تمشي بعدت علبهم جنب وجبدت الگارو كتكمي...بعد عليها غالي وقرب لوذنها وخنزر...

غالي:كديري لي في راسك...غندمك..

بعد بتاسم في وجهها لي عمرو خوف...

يتبع...