حارستي الشخصية🗽مكتملة🗽

🗽الجزء 89🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء89:

كانت ريم جالسة جنب السرير حتى دخل ضياء وهي توقف شافت فيه...

ريم:هدرتي مع غالي؟

ضياء؛"حرك راسو" اش نقول لك...وضعهم هاد المرة يكون صعيب،حتاش كيخص قلوبهم...هو محروق وهي قالت ليه ماكتعرف والو...

ريم:شنو دبا؟ميراي غتكون معصبة منو بزااف..

ضياء:غير سكتي،اووف اريم..."جلس جنب سرير"

ريم:مالك؟

ضياء:غالي ماكيستاهلش هاد شي كنحلف لك "شاف فيها" هو بصح كيبغي ميراي ولي واقع ليه مع ايملي كان كلو مجرد خطأ...

ريم:"جلست حداه وحطت يدها على كتفو" وااش عندي شك في حب غالي لميراي،ولكن علاقتهم مخربقة بزااف،لا هو كيستاهل هاد شي ولا حتى ميراي...راها حتى هي كتبغيه وكتحارب على ودو...

ضياء:وحتى هو راه كيحارب،جدي اريم،رااه جي لي ماكنهزوش فيه العين ولا غالي،غالي لي عمرو اريم قال كلمة لا لجدي كيوقف في وجهو ويهز صوتو...رااه ماساهلش حتى على غالي هاد شي...

ريم:ودبا شنو،غنبقاو نحللو في علاقتهم...كيخصنا لقاو ليهم حل...ميراي راسها قاصح...

ضياء:وغالي كتر منها...

ريم:ولكن سمح ليا ماعجبنيش الحال وقت ضربها...لا كان معصب مايضربهاش هكاك...

ضياء:كان معصب...

ريم:وحتى هي كانت معصبة،ولا غير راجل لي من حقو يتعصب...

بقا ضياء كيشوف فيها وهو يتنهد وشاف قدامو...حتى دق الباب وهي توقف حلتو...

الخدامة:سي ضياء،عتقنا عفاك سي غالي...

ضيلء:"خرج عينيه ووقف" مال غالي؟

🌐عند ميراي...

كانت ناعسة في فراشها حتى فيقها صوت تلفون وهي تهزو جاوبت...

ميراي:الو؟

ريم:ميراي،شوفي ماتخلعي ماوالو...

ميراي:"غير سمعت هكا تقادت في الجلسة"اش واقع؟وقعت شي حاجة لأسية؟

ريم:ماشي أسية لغالي...

ميراي:مابغا نعرف عليه والو.."بغات تقطع"

ريم:جبناه لكنينيك...

ميراي:"خرجت عينيها ورجعت تلفون لوذنها" كفاااااش؟

🌐في الكنينيك...

نزلت ميراي من الطنوبيل كتجري داخلة بعد ماجابها لكارد....طلعت دغيا وهي تشد في ريم...

ميراي:مالو؟اش وقع ليه؟

ريم:ماعرفناش...طلعت لخدامة لعندو فاش صونا ليهم بتلفون أرض..وقت طلعت عندو لقاو ناعس في سريرو ماكتحركش...

ميراي بحالا كبيتي عليها ماء متلج...بقات كتشوف في ريم وعينيها مجمدين بالدموع...كلمة تاع ماكيتحركش كيفكروها غير في مها،صافي قالت ماات...

ريم:"شدت فيها"ميرااي رجوع الله اختي،رااا مزال حي عفااك لما ستووعبي معايا هو كيتنفس هيء هيء...

ميراي وذنيها كيزنزنو عليها وهي كتشوف...حاسة بقلبها غيسكت...بدات كتمتم بكللمات أخيرة ديالها...

ميراي:لا غالي مايخلينيش..غالي كيبغيني،غالي..

طاحت على وقفتها في أرض وهي تنزل عندها ريم وجا ضياء وزكرياء دوها لغرفة كيفحصها الطبيب...

ريم:واش الطبيب مزال ماجا؟

ضياء:كيخص طبيب ديالو يجي من برااا هو لي عارف حالة غالي...

جلست ريم وشدت في راسها وهي كدعي مايوقع والو لغالي حتاش ميراي ماغتصبرش...

🔆اصبح واصبح الملك لله...

حلت ميراي عينيها وهي دور عينيها في الغرفة وتقادت دغيا في الجلسة حتى الوقت باش تسعقل ماخداتوش...حيدت السيروم من يدها وخرجت دغيا...شافت انور وياسين خارجين من غرفة ومشاوبحالهم ومن بعد تبعها ماريا وصفاء...مشات بجرى دخلت والبنت حفيانة ومامهتماش...حلت الباب وهي توقف مجمدة كتشوف فيه حال عينيه وطبيب قدامو وضياء وريم وزكرياء والجد مزالين معاه...
حرك عينيه جهتها وهو مجمد ماظنهاش غتجي...هبط عينيه جهة رجليها حافين وهي تمشي عندو بالجرى عنقتو كتبكي...

ميراي:هيء هيء هيء...

شاف غالي فيهم مستغرب...

ريم:جات لهنا لبارح ولكن سخفت وكانت كترتاح في البيت تاني...كنظن يله فاقت...

ضياء:مهيم على سلامتك...جدي تعالى..

شد في الجدو لي كان غير كيشوف،حتى قال يتهنى منهم ويتفارقو،صدقت بايتة هنا على ودو وكتعنقو وتبكي...مشاو خرجو وحرك غالي عينيه لطبيب زعما من بعد ومشا خرج...
هز غالي يدو حطها على ضهرها...

غالي:انا بيخير...

ميراي:خفت علك بزاف هيء هيء لا وقعت لك شي حاجة ماغنقدرش نعيش نموت فيها...

غالي:ششش،واش نقدر نخليك بوحدك مستحيل،حتى الموت ماغتفرقناش بهاد السهولة "بعدها وهو يجلسها جنبو ومسح دموعها وهي كتشهق بطريقة كتقطع في القلب" خفتي عليا بزاف؟

ميراي:انا "كتشهق" كنت غنموت هاااء هيء هيء..

جرها معنقها وهي حاطة راسها على صدرو...مع وذنها على جهة القلب قادرة تسمع دقات قلبو السراع..

غالي:بقاي غير قريبة من هاد القلب باش مايسكتش رااه ولا مدمن علك...

زاد ورك عليها وغمض عينيه وهي وقفت من شهيق والبكا وغمضت عينيها وه‍ما معانقين...

يتبع...