حارستي الشخصية🗽مكتملة🗽

🗽الجزء 50🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 50:

أسمهان:كفاش بأشمن تهمة،رااك كنتي مزورة الوراق...ضياء شفتك ساكت..

شاف فيها ضياء وشاف في ريم وهو يهز كتافو بلا مبالاة ومشا جلس في مكتبو وهي تشوف فيه أسمهان باستغراب وقربت ريم عندها مبتاسمة بطريقة مستفزة..

ريم:حبيبة،ماخباركش واقيلا ولكن "جبدت الخاتم من ساكها ودارتو ووراتو لأسمهان" أنا مرت ضياء الدين،يعني مدام الوزاني...

أسمهان:مايمكنش..كتكذبي..

ريم:كذوب ماشي من شيمي...كنجي الواحد نيشان...

أسمهان:"شافت فيها" نتي مجرد وحدة بديلة جابوها باڜ ماتشوهش العائلة...ولكن أنا هي أصل...ماتحلميش بزاف وخليك في مستوااك...

ريم:حمدلله مستوايا وعاجبني،وهاد المستوة نيت هو لي خلا خطيبك يشوف فيا ويتزوجني ازين...توو للأسف كنقصد خطيبك السابق...وراجلي الحالي..ودبا تديگاج راا الباب...

بعدت ريم كتشوف فيها باش تخرج وهي تهز أسمهان ساكها ومشات خرجت...حركت ريم عينيها قبالتو وهو حاط يدو على خدو كيشوف فيها وعطاتو بالضهر...عم صمت لمدة عاد شاافت فيه...

ريم:مني باغيها لاش مزوجني،على أصح علاش معيط ليا هنااا،باش تسمعني لهدرة وتقلل مني ونسكت ونمشي،كتحلم انا ماكنسكتش على حقي...

خنزرت فيه ومشات حلت الباب خرجت وهو يتنهد وناد وقف بزربة خرج شدها من دروج رجعها دخلها لمكتب وسدو..شافت فيه وربعت يديها وهو تنهد...

ضياء:ماكنتش عارفها غادي تجي...

شافت فيه عرفااه ماكيكذبش وماشي من شيمو الكذوب...مدة لي دوزتها في الخدمة عرفتو ماكيكذبش ...مشات جلست ودارت رجل فوق رجل ومربعة يديها..

ريم:جلس نهدرو..

هز حاجبو وبتاسم جنب بسخرية من حالو وجلس مقابل معاها وتكا بضهرو لاور..

ضياء:وكتأمري من الفوق..

ريم:"ضربت على طابلة خلاتو غير كيشوف" شووف نقول لك...لا باغي دير ديك لعيبة تاع مراا في جيب ومراا خرى دوز بيها الوقت انا ماشي من نوع النسا لي يسكتو على حققهم...والله حتى ندير لك شوهة اضياء الدين امزال ماكتعرفني..

بقا كيشوف فيها وبتاسم وربع يديه..

ضياء:اييه كملي..

ريم:وسمع...كما طلاق ماكاينش في عائلتكم حتى حنا ماكايناش الخيانة في عائلتنا،ياتشد معايا گود يافرتكوها من لول...

ضياء:"حك جنب فمو" كنتيق في قواعد عائلتكم...هكاك نتي غذرتيني ياك...

جمعت ريم يدها وهي تنزل عينيها...بتاسم جنب بسخرية وضرب على الطابلة حتى وقفت خاايفة وغوت مقفزها..