حارستي الشخصية🗽مكتملة🗽

🗽الجزء 57🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء57:

ميراي:باش عرفتيه مشا؟

سكت غالي وهز القهوة كيشرب وهي تحط يدها فوق الطابلة وهزت الكاس كتشرب...

ميراي:كتراقبني اغالي،ماتفقناش على هاد شي...

غالي:"تنهد وشاف فيها" على قبل حمايتك...

ميراي:"وقفت وهي تحط يدها على كرسيه ونزلت قابلت وجهها مع وجهو" كنبان لك وحدة محتاجة لحماية؟

غالي:"بتاسم" لا،انا لي محتاج لك...رجعي تخدمي عندي توحشت صبح علك...

ميراي:"بتاسمت"بصح؟

غالي"جرها حتى طاحت عليه" بزاف..

بقات ميراي كتشوف فيه مدهشراا من الطريقة كفاش جرها...بتاسم غالي وهو كيشوف فيها،عينيه في عينيها الزورق لي كيتحركو بسرعة بتوتر،نزلت عينيها وهو يهبط حتى تقابل مع عينيها تاني...

غالي:عينيك كيحمقو وزادو كتر اليوم بكحل لي مديرا...

شافت فيه وهي توقف كدور في عينيها...

غالي:وليت نعيش حتى كنشوف توترك وخوفك الالة ميراي..

رجعت جلست ورجعت شعرها لاور..

ميراي:"مهربة عينيها"شوف ماتزربش عليا هكا "شافت فيه" هاد شي غريب عليا عطيني وقت حتى نقدر نقتانع بعلاقتنا جديدة...

بقا غالي كيشوف فيها وهو يوقف رجع الكرسي لبلاصتو ووقف من ورا المكتب مقابل معاها...

غالي:لي عجبك..

بقات ميراي كتشوف فيه وهي توقف خدات ساكها وبكية الكرو خشااتها ودارت تقابلت معاه...

ميراي:دبا كيخصني نمشي..علاش اصلا كنتي باغي تشوفني؟

غالي:كنت باغيك ترجعي تخدمي عندي...

ميراي:توو،غالي مايمكنش ليا نرجع نخدم عندك مرة خرى،لا نقدر نرجع نخدم عندك او حتى تحت وصاية جدك،"تنهدت وربعت يديه ونزلت عينيها" ماعرفااش شنو نقدر ندير لا عصبني جدك...

غالي:جدي غنهدر معاه...

ميراي:"شافت فيه دغيا" لا،ماغتقول ليه والو...

غالي:كفاش مانقول ليه والو؟

ميراي:كما كتسمع،ماغيعرفش بلي حنا في علاقة اغالي خاصة دبا...

غالي:كفاش مايعرفش،واش كضحكي عليا اصلا هو ماكيتخبا عليه والو...

ميراي:غالي عفااك،قلت لك ماشي دبا،بليز...

بقا كيشوف فيها وهي تقرب شدت يدو وكتشوف فيه بعينين ترجي...

ميراي:عفاك...