حارستي الشخصية🗽مكتملة🗽

🗽الجزء 122🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء122:

بقا غالي كيشوف فيها وهو يحرك راسو..

غالي:وخا لالة..."شاف في جدو"برافو اجدي..

الجد:ولدي سمعني عفاك...

غالي:"حرك يديه"كنسمعك..

الجد:انا درت خطأ وندمت،تمنيت كون ماجبتش ديك المرا ولا حاولت نخليك تزوجها،عفاك اولدي سمح ليا..

غالي:"شاف في ميراي" مسامحك اجدي،مسامحك دنيا واخرة،غير "شاف فيه" بعد على حياتي،الله يرحم لك الواليدين اجدي لما فقط بعد على حياتي ومرتي...."مشا جلس" مرة جيا ماغنبقاش نشوف ورايا...

الجد:وعد اولدي،يدار غير لي بغيتي...

ماريا:صافي رجعتو ماطولتوش هههه..

خنزرت فيها ميراي وجرتها صفاء جلستها ساكتين...

ميراي:فين البنت؟

ريم:قلت الخدم يدوها..

ميراي:غنمش"قاطعها"....

غالي:فين تمشي،"خنزر" ها راجلك...

ميراي:بنت يكون فيها الجوع...

غالي:تعالي تجلشي هما يجيبوها لك..."شاف في جدو" على مرت الحفيد الكبير تاع القصر خاصها تسخر؟

الجد:"شاف في مساعدو" جيبو البنت تحركو..

حرك المساعد راسو ومشا وغالي متبع ليه العين...تفكر كلامو،اذن هاد شي علاش المساعد عاونو،حتاش كان عارف بفعلة جدو وبلي مسيفط ليه ايملي...تنهد بضيق حاس براسو صغير بما فيه الكفاية وخاصة في هاد اللحظة...شاف فيها كتشوف فيه..حتى جابو ليها البنت كانت متبكي وهي تاخدها عنقتها...

ميراي:الله مالها شنو وقع؟

خدامة:ماعرفناش لالة يمكن ماولفتش علينا..

ميراي:اووه مال حبيبة ديالي اممم..

ماريا:ههههه ضحكتوني،هههههههه...

تفركعت عليهم ماريا بضحك وهي تخنزر فيها ميراي..

ماريا:كتربي في بنت اصلا ماشي بنتك...

ميراي:ومن بعد...

غالي:وجدي راسك،قريب مها غتجي..

شافت فيه ميراي مخرجة عينيها وهو وقف طلع مخليها متبعة ليه العين،نزلت عينيها لبنت وهي تعنقها...عرفاه معصب منها دبا...

🌐عند اسية...

كانت كتمشى جنب البحر على رجليها لابسة سلوبيط تجين حد الفخاد وتحت ميني بوط وطلقة شعرها اسود على راحتو مع سبادري بابيض..
وقفت كتشوف في مول أسكريم واقف كشرو من عندو الولاد....بتاسمت ومشات عندو ..

اسية:جوج عفاك...

...:لك بوحدك؟

دارت شافت فيه وهو قرب منك...

اسية:هذا نتا؟

...:لا بغيتي..

اسية:كتبعني ولا شنو..

مول ايسكريم:هاكي ابنتي...

خداتهم وبغات تجبد تخلص حتى خلص هو..

...:صافي خلصتو..

اسية:"حركت راسها" شكرا...

مد يدو ليها..

...:انا سهيل...

اسية:"شافت يدو وشافت فيه" اسية....مايمكنش نسلم "وراتو يديها عامرين"...

سهيل:هههه هانيا...نتمشاو انسوبل؟

اسية:يله..

🌐في القصر..

كانت جالسة فوق السرير كتبدل في الليكوش لبنت...حتى تحل الباب وهو يخرج كينشف في شعرو...شاف فيها وهو يمشي حل البالكو وشاف فيها...

غالي:ماتبقليش تبدلي ليها في البيت،قصر قد السخط كتجي تروني ليا موخي..

بقات ميراي كتشوف فيه وهو يجلس في جهة السرير تانية وهز تلفونو كيشوف فيه...

ميراي:غالي..."شافت فيه" مقلق مني؟

ماشافش فيها وهي تنهدت وشافت في البنت...

ميراي:واش لقيتي مها؟

غالي:غذا ولا بعدو غنجيبها...

ميراي:"شافت فيه" كيخصها تجلب جلبة تاع 15يوم ومزال ماشرينا دفتر صحي ليها او ديناها لطبيب وو...

غالي:"شاف فيها مخنزر" ميراااي،ماتصدعينيش بمشاكل الناس،انا مالي فيها...

ميراي:اغالي يهديك الله اش ذنبها..

غالي:نفس السناريو،وماغنتفاهموش...

ميراي:نتا لي معصب،معصب بزااف،رخف على راسك..

هزت البنت ومشات خرجت رادخة الباب وهو ضرب تلفون مع سرير وشد في راسو وتنهد...

نزلت ميراي لتحت لقات غير الجد لي جالس،دخلت جلست وهو يبتاسم ووقف وجلس حداها..

الجد:بنتي،شكرا بزاف حتاش بفضلك غالي بقا،كنت غالط فك،سمحي ليا...

ميراي:ماشي مشكيل..

الجد:نتي دبا بحال بنتي،عمرني نسا خيرك...

ميراي:غالي غير معصب،يدوز الوقت وغينسا كولشي حفيدك وعارفو راسو قاصح...

الجد:"شاف في البنت" هاذي خلات بنتها ومشات...

ميراي:اممم،"حطت يدها على راس البنت" خلات هادالملاك ومشات..

الجد:ناويبن تربوها؟

شافت فيه ميراي ورجعت شافت فيه البنت،مافكرتش في قضية تربية...

يتبع...