حارستي الشخصية🗽مكتملة🗽

🗽الجزء 146🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء146:

بدات أسية كتقرب جيهتو وهو شاف فيها،حتى هزت يديها كدفع فيه من صدرو...

اسية:فين كنتي اممم،فين غبرتي كل هاد المدة هدر،"طاحو دموعها وعاودت دفعتو" فين كنتي وقت حتاجيتك وغبرتي ومخليني واحلة في روحي،هيء هيء نتا ماعندكش قلب،مستحيل تحس وانا قلبي محروق علك هيء هيء شوف حالتك،فين كنتي طول هاد المدة....فين هيء هيء...

طاحت لأرض كتبكي وبغا يقرب غالي لي تقهر على ختو وكولشي شاف شحال تعذبت في اشهر لي غاب فيها سيف وهي توقفو ميراي وحركت راسها بلا زعما ماتقربش وشافو فيهم...نزل لمستواها وهو يهز يديه لي كيترعدو حطهم على كرشها وشاف فيها بعينين مدمعين..

سيف:مني؟

اسية:"دفعتو حتى طاح" لا ماشي منك،نتا مريض في مخك مريييض،علاش رجعتي علااش وقف رجع مين جيتي وبقا تماك حتى تموت هيء هيء...

سيف:"رجع قرب منها" سمحي ليا،سمحي ليا ااسية سمحي ليا،ماعرفتش اش ندير،ماعرفت مانسبق ولا نوخر،كنت تالف،حياتي كلها هربان،كنهرب من غار لغار،كنت من خدمة لخدمة وماكتهمنيش حياتي،ماكان حتى واحد كيسول عليا،حتى واحد ما كيتشطن عليا،نتي غيرتي كولشي،كنت تالف كفاش نواجه كاع لي كيوقع،من جهة لي خدام معاهم كيشوفي كي آلة خاصها تنفذ،من جهة الناس لي باغين يقتلوني،من جهة نتي،ماقدرتش نقرب لك،ماقدرتش رسم علاقتي معاك وانا خايف لا لويو دراعي بك،وفي نفس الوقت باعيك،باغيك تكوني ليا ومعايا،باغي لي يخاف عليا،لي يتشطن عليا،لي يبغيني،"طاحو دموعو" عفاك سمحي ليا وعطيني فرصة...انا محتاجك...

بقات كتشوف فيه ودموعها السخان شلال على خدودها،قربت عنقتو وهي كتبكي وتشهق..

أسية:كنبغيك،كنبغيك وخا ماقلتيهاش انا قلتها،وخا أدينا بعضياتنا،وخا لي وقع انا كنبغيك،هيء هيء كنبغيك بزاف...

غمض سيف عينيه ودور يدو عليها وهو يهدر بهمس...

سيف:كنبغيك..

بتاسمت وسط دموعها عليه،ماراضيش يعتارف قدام الكل وخا لي قالو كاافي يوري بيه كااع مشاعرو،بعدت عليه وهو مسح دموعها وباس جبهتها ووقفو...شافو في غالي لي كيشوف فيهم وهو يتنهد وحرك راسو بموافقة وهي تقرب أسية عنقتو...

غالي:ماتنسايش مزال مژوجة بداك الكلب..

سيف:لا،"كولشي شاف فيه" ضوسيهم مابقاش يععني بحالا ماتزوجوش..

قرب سيف لغالي وهو ينزل راسو..

سيف:سمح ليا الغالي،انا غلطت في حقك بزاف،سمح ليا حتاش غذرتك،من حقك تعاملني كيف بغيتي...

غالي:سمع سيف،نتا بحال خويا وبصح معصب ومعصب منك بزاااف...حتاش ظنيت بلي كولشي يستاغل أسية الا نتا...لي زعما مشاركين الدم...حتى لا ماعتبرتيهاش ختك على اقل ماديرش فيها هاد الحالة...

سيف:سمح ليا...عفاك خليني نصلح غلطي..."شاف فيه" عفاك ماتخلينيش بعيد على ولدي كما بعيد على مو...

بقا غالي كيشوف فيه وهو يشوف في ميراي لي بتاسمت لو...وشاف قدامو...

غالي:ميراي لي تقرر...انا مزال معصب منك..راها ختي ماشي لاقيها في الزنقة...

مشا طالع مخليهم من وراه متبعين ليه العين...تنهدت ميراي وشاف في الجد ..

ميراي:جدي شنو رأيك؟

الجد:عاليا حتى هي ختك...

ميراي:قراري من قرارك وعارفة بلي مانختالفوش...

الجد:بصح...وانا مع زواج سيف واسية...دار غلاطو وخاصو يتحمل النتيجة...وزواجهم اليوم قبل غذا...وراقهم يبداو يوجدو باش ماتفضحش سيرة العائلة..

شافت ميراي في اسية وسيف وتنهدت...

ميراي:سمعتو كلام جدي...ورأي حتى انا من رأيو...سيف درتي الخطأ وتحمل نتائجو وماشي غير نتا لي غالط...وحتى أسية وهذا عتابروه ياعقاب ياجزاء...

شافت ميراي فيهم ومشات طلعت تبعت غالي...

صفاء:"قربت لسيف" ولدي طلع بيتك ترتاح حالتك مامريحانيش...

حرك سيف راسو وهو يشوف في اسية لي مهبطة راسها وبغا يمشي حتى هدر الجد...

الجد:هارا لكارط ديالك...

جبدها سيف من بزطامو وخدتها المساعد..

الجد:سير ترتاح...نسيفط لي يجيب لك دوا...

حرك سيف راسو ومشا طلع...شافت فيهم اسية ومشات طلعت حتى هي بيتها كتبكي بسبب حمل ولات حساسة...

يتبع...