حارستي الشخصية🗽مكتملة🗽

🗽الجزء 81🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء81:

وقفت كتشوف في دريسينغ لي عمرو بحويج النسا وشافت فيه وهو واقف مربع يديه كيشوف فيها ومتكي على الباب...

ميراي:كلو ليا؟

غالي:لا،لجيران...

ميراي:باش نعرف..

نزلت عينيها وهو بتاسم وقرب منها..

غالي:من نهاار دخلتي نتي لهاد البيت عمرها مزال حطت رجلها،نتي هي مرتي اميراي،بنت لي كنعشقها..هاد الحويج كلهم لك وباش تيقي خليت أسية هي لي تختار...

ميراي:"شافت فيه" تسخسخت مع السبيطارات،بغيت ندوش...

غالي:را الحمام وفيه لي غادي تحتاجي...

ميراي:شفتك اسي غالي موجد كولشي..

غالي:هههه اوا شنو،غير تعالى وتزوج بلالة ميراي،تبقاي ليا غير على راحتك...ولكن دبا غنمشي سويع ورجع...

ميراي:فين؟

غالي:عندي اجتماع مهيم،كيخصني نحضر..

ميراي:وخا،وماتبدلش؟

غالي:عندي كومبلي اضافي في المكتب "باس جبتها وبعد" ردي اليال لراسك...

حركت راسها وهو مشا خرج بزربة...تنهدت وشافت في الحويج وهي تاخد كسوة ومشات دخلت لدوش...

🌐جهة خرى في القصر..

دخلت لمكتب رادخة الباب وهي تشوف فيه وهدرت بغوات...

ايملي:شفتيه في لخر تزوج بيها،ماعطا حتى اعتبار لوجودي...كاع لي درتو نتا لي طلبتي مني نديرو،نتا لي قلتي نحمل من غالي باش يولي عندك وريث وباش نفارقو على ديك البنت لي كان معاها،ولكن هو ماكيبغينيش وبغا وحدة خرى وخا كاع لي درت...

بقا كيشوف فيها وهو يوقف تقابل معاها..

الجد:نتي كيخصك تعرفي أش كتخرجي على فمك،لي كديريه ماكديريهش فابور...ماكيخص حتى واحد يعرف بلي انا لي من ورا هاد شي،اما على زواجوو عادي اليوم او غذا يمل منها ويطلقها مهيم هو حفيدي يجي لهاد الدنيا....دبا خرجي ورتاحي حسن لك..

بقات كتشوف فيه وهي تخرج بحالها...

دق دق دق...

ميراي:دخل...

دخلت أسية،بتاسمت ميراي وهي تشير لها دخل...دخلت أسية وجلست حداها فوق فوطوي...

ميراي:من امتى وليتي دقي..

أسية:دبا ختالف الوضع،وليتي مزوجة وبراجلك هههه...

ميراي:أسية واش حبيبتي مرتاحة هنا؟كيعاملوك مزيان؟

أسية:"بتاسمت" كيعاملوني متت مزيان اميراي،وخاصة جدي ماكيخصرش ليا خاطري...

ميراي:اممم سي النصيري عزاز عليه حفايدو...

أسية:ولكن هو علاش ضدك مافهمتش...

ميراي:ماتهتميش بزاف،لي سمعتيه ديري براسك ماسمعتي والو..

أسية:تعالي نزلو تحت..

حركت ميراي راسها ونزلو لتحت بوجود ضياء لي شاد طابليط كيشوف في ايميلات وريم جالسة تنقي ليه في الفواكه...

ميراي:أش هذا،غير هو لي مريض ياك لالة..

ريم:غير جلسي الالة ندير بحسابك هههه..

جلست ميراي حدا أسية...

ميراي:بغيت غير نسولك،نتي كنتي خيطي بيطي لكنينيك أشنو درتي مع خدمتك...

شاف ضياء بنص عين في ريم ماسولهاش على خدمتها قبل...

ريم:ستقلت..

شاف فيها ضياء وهي نزلت راسها كتنقي في التفاحة...

ضياء:كفاش ستقلتي..

ريم:خدمت بيما فيه الكفاية تماك "شافت فيه" وقت تبرا نقلب على خدمة في بللاصة خرا ماتخافش...

بقا ضياء كيشوف فيها وهي تنهد ميراي حتى هي مابقاش قالت والو لاصال يكونو صافي ضربو عليها وجابو غيرها...
نزلت ايملي وهي توقف كتشوف في ميراي مخنزرة...

ايملي:لي بغيتيه درتيه ياك...في لخر سرقتي راجلي..."شافت فيها ميراي" ماعرفتك اصلا واش قادرة تفهمي لغتي ولا طالعة أمية،أش غادي تسنا من وحدة بنت احياء شعبية...ولكن ماتحلميش نخلي لك غالي،خلينا نشوفو شكون يربح في لخر انا لي مت ولدو ولا نتي...

بقات ميراي كتشوف فيها وهي تمشي ايملي طالعة...

اسية:ختي..

ميراي:"بتاسمت" ماوقع والو...غنوض رتاح..

ريم:هاكي تفاح...

ميراي:وكليه لراجلك انا ماحتاجوش...

وقفت ميراي غادة وهي تهبط عينيها بحزن...على قبل حبها صابرة على هاد شي كلو...وماعرفاش تالين غتبقى صابرة ولكن غتصبر،مابقا ليها والو في هاد دنيا تشبت بيه من غير غالي...
دخلت لبيت ومشات خرجت لبالكو كتشوف في ديك طبيعة وأحصنة لي كيجريو براحتهم...

ميراي:الحب حرب،وانا غنحارب حتى اخر نفس عندي...

طاحت دمعتها وهي تمسحها دغيا،قلبها تجرح بيما فيه الكفاية وتخلات على شحال من حاجة على ود الناس وجا الوقت تحارب على ود نفسها...وفي الحب ماكاينش الصح من خطأ جميع الطرق متاحة...

يتبع....