حارستي الشخصية🗽مكتملة🗽

🗽الجزء 151🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء151:

كانو ناعسين حتى فاق علي براء على البكا عاود...شعلت الضو ووقفت هزتو من السرير كتسكت فيه...

غالي:ميراااي...وبااغي نعس...

ميراي:"شافت فيه" نتا عاارفو واش لخاطري...

شاف فيها غالي وهو يوقف وهز تلفونو...

غالي:انا لي نبدل البيت حسن..

مشا خرج مخليها سطلة...رجل في يوم واحد تبدل...

ميراي:هذا أش واقع ليه غير على سبة...

مشات جلست جبدت بزولتها كترضع في علي براء...

نزل غالي لتحت طار نعاسو...خرج لجردة لقاه جالس...مشا رجع جاب كاس وجلس حداه وخدا قرعة كب ليه وخدا الكاس كيشرب ويشوف قدامو...

ضياء:أش واقع؟شفتك خارج في نصاصات الليل...

غالي:زكرياء غابر..

ضياء:سهران مع مرتو...اصلا مايجيش ومو وباه سافرو اليوم...

غالي:"نزل راسو كيشوف في الكاس" اممم..

ضياء:ياك لاباس حتى نتا...اش واقع معاك؟مخاصم مع ميراي؟

غالي:تو "شاف فيه" ونتا؟

ضياء:تو..

بتاسمو وهما را كل واحد هاز دقتو في قلبو...بقاو ساكتين ماهدروش كتر...حتى وقفو من بعد كل واحد فيهم خدا بيت الضياف...

🌐عند أسية..

كانت ناعسة في سابع نومتها حتى ضربتها الفيقة فيها العطش...وهي تهز الماء شربت وتفكرت سيف...بلا هواها لبست في رجلها وخرجت بديك كسوة نعاس طويلة وكرشها واصلة لفمها...حلت باب بيتو وهي دخل كتسلت حتى شعل الضو مع نعاسو خفيف وكيخصو ديما يرد البال بطبع وهو مخباراتي...

حك عينيه باستغراب وهي كدور في عينيها..

سيف:اش كديري في هاد ليل؟

أسية:"نزلت راسها كتلعب بيديها" كنت غير غنشوفك شويقيق ونمشي والله...جاني الوحم علك واقيلا..

بقا سيف كيشوف فيها وهي شافت فيه وبغات تمشي حتى وقفها بكلامو...

سيف:واش قلت سيري..تعالي لهنا..

شافت فيه فاش بعد دار ليها بلاصة حداه وهي تبتاسم ومشات تخشات حداه حاطة راسها على دراعو وقرب كتشم في ريحتو...

أسية:توحشتك بزااااف...

سيف:نعسي نعسي...

خسرت ملامحها وغمضت عينيها وهو يطفي الضو وتكا وقرب كيشم في ريحت شعرها وريحتها لي توحشهم بلا قياس وهز يدو حطها على كرشها...مامصدقش بلي يولي أب هاد المرة تاع بصح...فرحتوو ماعالم بيها غير الله...تنهد بضيق وباس جبهتها بشويا وغمض عينيه مستسلم للنوم..

🔆أصـبـح وأصـبـح المـلـك لـلـه

نزلت ميراي كتقلب عليه لابسة فستان بأزرق بأخضر حد الركبة بكمايم معرية شوية من الصدر مبينة فرقتهم وسباط طالون وطالقة شعرها على راحتو مع ميكاب خفيف وروج بالغوز...مشات جرت كرسي جلست في طابلة الفطور بعد ماصبحت عليهم...

ميراي:صباح خير...

كل:صباح خير...

الجد:بنتي فين براء؟

ميراي:"شافت فيه" ناعس اجدي ليل كلو مانعس ماشافو ضرتو المعدة...وقت يفيق تهبطو لك الخدامة...

الجد:ااه ماشي مشكيل...نكمل ونطلع عند حفيدي..

بتاسمت ميراي وشافت في ريم لي كل شويا تشوف في ضياء لي كيشوف غير في ماكلتو...شافت في بلاصة ماريا وياسين لي خاوية وتنهدت...جات الخدامة...

ميراي:فين غالي؟

خدامة:سي غالي خرج بكري الالة..

حركت ميراي راسها وهي تشوف في تلفونها وصلها ميساج...هزتو كتقرا كان المصور خرج ليها الصور...بتاسمت وحطت التلفون وخدات كتفطر ضروري تاكل على قبل الرضاعة..
وقف ضياء مشا خرج وهي توقف ريم من وراه دغيا...لابسة داك الكومبلي زوين بأخضر مع شال باأخضر وسباط طالون بأسود وساك بأسود...وميكاب خفيف وزوين...شدت يدو موقفاه قبل مايركب وهو يشوف فيها...

ريم:نهدرو؟

ضياء:طلعي..

جر يدو طلع وهي تنهد وركبت حداه وتحرك الشيفور...
شافت فيه وهي تشوف قدامها منزلة راسها كتلعب بيديها...

ريم:سمح ليا على البارح...

ضياء:"شاف في الشيفور وشاف في تلفونو" ماشي دبا..

ريم:"شافت فيه وهي تقرب منو" عفاك انا ماقصدتش والله...

ضياء:"هز عينو فيها وخنزر" قلت ماشي دبا...

جمعت يدها ورجعت لاور ساكتة وسرطت ريقها...وقت يخنزر فيها باينة مكحلاها...رجع كيشوف في تلفونو مهدن نفسو عليها...

وصلها لمكان التصوير ومشا هو لمحكمة عندو قضية...

يتبع...