حارستي الشخصية🗽مكتملة🗽

🗽الجزء 60🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء60:

دازت الرئاسة مزيان وتعلن على غالي هو رئيس الشركة الجديد بعد جدو...

🌐عند ميراي..

دخلت لاصال وهي لابسة حويج سبورتيف ماركة غالية سروال من نفس لون ميني بوط سوتيان لي لابسة وقاميجة الفوق وجامعة شعرها كوت شوفال الفوق وميكاب خفيف رجعت كتعتاني ببشرتها وسبادري أديداس...وقفت كتسنا فيه وهي كتشوف فيهم كيتصارعو جوجات قدامها..

...:ميراي يازين؟

ميراي:وي "دارت شافت فيه"...

...:واجدة؟"لاح ليها كفوف المصارعة" تبعيني..

شدتهم وهي تبعو مافهماش شنو باغي...جر ليها الخيط باش طلع لحلبة وطلعت وطلع وهو يلبسها الكفوف وشااف فيها..

...:الجمال ماكيخدم حتى واحد الغزالة،لا كان عندك ماتبيني بينيه...

هزت حجبانها باستغراب وهو يبعد حتى كتبان ليها وحدة قدامها عرفتو كيخليها تصارع...

..:واجدين؟

شاف في ميراي وبتاسم بسخريا كيتسناها تقول لا وتمشي...

ميراي:اه..

حيدت تجاكيط وبقات بحويج هكاك وشافت فيه بتحدي ورجعت شافت في البنت وتقادت في الوقفة كتسناه يبدى..حتى حرك يدو وبداو وهو يبعد جنب كيشوف فيهم...هاد البنت عندو أفضل وحدة في المصارعة كيدربها بنفسو من شحال مستحيل تربحها ميراي ولكن حتى هو باغي ميراي تخسر باااش تفهم بلي الجمال ماكيخدمش وماشي كاع الرجال يطيحو في جمالها...
كيف قربت البنت عند ميراي بغات ضربها وهي تراوغها ميراي وبعدت ولوات يدها مطيحهاها بغات طلع فوقها بعدت البنت دغيا...ولات مصارعة حياة او موت في لحظة حتى وحدة ماكترحم تانية وضربة مني وضربة منك،وخا هكاك ميراي مامخلياااش من جهدها وعطياااا حقها حتى كولشي دااار كيتفرج فيهم وكاين لي بدا يصور...شدتها ميراي من دراعها هزتها حتال الفوق وطيحتها كارزة عليها خنقاها...بقا لاخر غير كيشوف مصدوم...

...:صافي طلقيها..

طلقتها ميراي فاش شافتها سخفت بقلة أوكسجين لي مابقااش كيوصلها ووقفت حيدت الليگات وشافت فيه ولاحتهم عليه...

ميراي:ماتحكمش على الناس هكا اسي...

...:"بتاسم ومد يدو" سلمان..

ميراي:ماكهمنيش.."تجاهلت يدو الممدودة" غنخدم ولا لا؟

سلمان:"جمع يدو" مرحبا بيك معانا...

حركت راسها وهي تهز تجاكيط كتلبس مادتهاش في كاع النس لي كانو كيصورو فيهم...

ميراي:امتى غتبدا؟