حارستي الشخصية🗽مكتملة🗽

🗽الجزء 140🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء140:

نزلت اسية كتقلب عليه مالقاتوش وبقات كدور في القصر وهي كتفكر في طريقة باش دير لي قال ليها سيف...

🌐عند أنهار..

كانت جالسة كتقرى في ضوسي هي وكريم حتى صونا تلفونها على رقم غريب وهزت جاوبت...

انهار:الو..

سيف:انا سيف الدين..

انهار:هذا نتا،واقعة شي حاجة؟

سبف:اه،اليوم وحدة سميتها أسماء ناوية تحط المخ*درات في دار ماماك وتعلم بيكم البوليس،تي تعرفي شغلك...

انهار:"وقفت" كفاااش؟

سيف:كنفضل تغذاي بيها قبل ماتعشا بك...

انهار:وخا شكرا لك...

قطعت وشافت في كريم لي كيسولها اش واقع...

أنهار:والله لا بقات فك،كريم بغيتك تعاوني...ياك نتا كنتي شديتي واحد كيبيع المخدر*ات ولقيتيهم عندو،بغيت جزء من دوك المخدرات...

كريم:"وقف" كفاش؟

أنهار:عفاك،بغيتهم ضروري،كذب في تقريرك على ودي انا محتاجاك توقف معايا..

بقا كريم كيشوف فيها وهو يدور حل المجر وجبد ميكا بينا فيها الخناشي صغار تاع المخد*رات وشاف فيها..

كريم:500كلغ،انا غنبدل الكمية في المحضر...

انهار:شكرا بزاف كريم مانساش لك هاد الخير...

قربت حلت ميكا كتاخد في شي 5خناشي صغار..

كريم:لاش هادو،ماتقوليش ليا وليتي مدمنة؟

أنهار:بينسوغ لا،غير"كتلعب بالخناشي في يدها" غادي ندم واحد الميكروبة ندم ماتنساهش،"شافت فيه" تيق بيا،ما كنأدي غير لي ناوي يأديني،ودبا غنخرج ساعة وغنرجع...

تنهد وحرك راسو ومشات هزت ساكها ووخرجت وهو رجع الميكا لمجر وهز تلفون أرضي عيط لكاتب..

ركبت أنهار في طنوبيل البوليس وهي تجبد تلفونها دورت ابيل لزكرياء..

انهار:حبيبي فينك؟

زكرياء:في دار،علاش؟

انهار:بغيت نسولك،عارف عنوان أسماء؟

زكرياء:"وقف" علاش بغاه...

أنهار:فاعلة خير،عفاك قول ليا...

زكريلء:أنهار علاش بغاااه...

انهار:بغيت نهدر معاها ونطلب منها السماحة،ماتخافش ياك كنشرب أدويتي مابقيتش مهووسة بقتلها "في خاطرها" وليت مهووسة بالحبس،"كملت بالصوت" حبيبي قول ليا..