حارستي الشخصية🗽مكتملة🗽

🗽الجزء 148🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء148:

وقف طنوببل ضياء قدام استوديو لي كتصور فيه ريم وهي تشوف فيه...

ريم:بسلامة..

بغات تنزل ويشد يدها وشافت فيه..

ضياء:نرسل لك الشيفور ليلة...

ريم:غنتعطل في الخدمة...مزال نبقى باش نقاد معاهم سناريو وو..

ضياء:قلت غنرسل لك الشيفور...معاش غتكملي...

ريم:ماعرفاش..

شاف ضياء قدامو وشاف فيها...

ضياء:9يكون عندك...نزلي لخدمتك..

حركت راسها نزلت وهو يتحرك الشيفور...

🌐في الشركة..

كان غالي في غرفة اجتماع كيراجع في ملف حتى تحل الباب وهو يوقف قاد كومبلي...

مدير كوميغس:تفضلو مرحبا بيكم...

هز غالي عينيه ومد يدو مبتاسم حتى ختفات ابتسامتو كيشوف فيها مخرج عينيه...طلعها وهبطها بفستانها القصير أبيض حتال لشعرها اسود وهي بتاسمت وشدت في يدو..

...:غتكون نتا هو سي غالي النصيري...

بقاو كيشوفو في بعضياتهم وهو يجر غالي يدو وشاف قدامو مهربهم من عليها...

غالي:تفضلو..

جرت الكرسي جلست مدايرا رجل فوق رجل كتشوف فيه ومبتاسمة وهو جلس...بدا نائب المدير كيهدر وغالي ساكت ماكيشوفش قبالتها حتى عطاهم يوقعو...وقعت هي ومدت ليه الملف وهو نزل عينيه كيشوف فيه وشاف فيها...ماعرف راسو باش تبلا عاود...من جهة شركة لي حلم جدو يتشارك معاها...ومن جهة أكتر بنت كان مجروح من جيهتها بانت في حياتو مرة خرى...تنهد وهز ستيلو وقع ووقف كما وقفت وسلم على شركاء لي معاها وشاف فيها وسلم عليها...

مارسلين:مبروك..

بتاسم بزز وهو يجر يدو...شافت فيه وشافت في يدو لي فيها الخاتم...

نائب المدير:تبغو نوريكم مكاتبكم؟

مارسلين:بغيت في لول ناخد كافي مع سي غالي بوحدنا...

شاف فيها غالي وشاف في شركاء لي معاها وبتاسم بزز وحرك راسو بايجاب وبعد باش دوز وهي تخرح وتبعها...دخلو لمكتب وحطت ليهم سكرتيرة القهوة ومشات...
بقا هو كيشوف قدامو كيلعب بخاتم زواجو في صبعو وهي حطت كاي القهوة وشافت فيه...

مارسيلين:تزوجتي مبروك...امتى هاد شي؟

غالي:"شاف فيها" ونتي سوقك؟

مارسلين:غالي انا ماشي عدوتك...

غالي:وماشي صديقتي..

مارسلين:وقت عرفت بلي شراكة تكون مت عائلة النصيري فرحت بزاف...توحشتك...تبدلتي بزاف...

غالي:تعلمت نتبدل..

مارسي:"بتاسمت" وزيانيتي...وليتي زين من أول...كيف داير زواجك؟وكيف عاملة حياتك؟

غالي:"تكا بضهرو على الكرسي" بيخير...وبأفضل الأحوال...

مارسي:اممم...ماكرهتش نتعرف دغيا بمرتك..واش نفسها لي كانت حاملة منك...

بقا غالي كيشوف فيها وهو يقلب عينيها وشاف قدامو...

مارسي:مانكترش علك...غنوقف نشوف مكتبي...

وقفت وهي كتشوف فيها وبتاسمت ومشات حلت الباب وخرجت...

مارسي:"في خاطرها" رجعت الغالي...وهاد لمرة رجعت على ودك هههه...

ضرب الغالي الملفات بيدو حتى طاحو في أرض ووقف حل الشرجم يدخل الهوا وحل الكرافاط ولاحها في أرض مخنزر...هي بعد ماتخلات عليه كتبان قدامو عادي وكأن شيء لم يحصل...بحالا ماخلاتوش مأزم ووسط مشاكيل كتيرة وختارت تنتاقم منو وتزوج بغيرو...وكفاش تزوجت بصاحبو شخص اصلا لي ظنو صاحبو في كندا وطلع غير كلب تابع البنات...واول ماهي بغات تزوجو قبل وطعنو في ضهرو...تنهد بضيق شاد في الشرجم...
ولا دابا كيخصو يشوفها دائما في الشركة...دبا مابقا عارف أش يدير...احاسيسو تخربقو بالمزيان...

🌐عند ميراي...

كانت جالسة كتشوف في مجلة وولاد ناعسين...حتى لا فاقو الخدم يهتمو بيهم...وقفت كتشوف في حويج زوينين وعجبوها..ولا ذوقها من ذوق اغنياء حتى هي...حتى جات عندها الخدامة ووقفت عند راسها...

الخدامة:مدام...شخص بغا يشوفك..

شافت فيها ميراي باستغراب..

ميراي:شكون خليه يدخل..

مشات لخدامة وهي توقف ميراي رجعت شعرها اشقر لاور حتى دخل سلمان...بتاسمت بصدمة اخر شخص ظنتو يجي يشوفها هو سلمان...قرب منها مبتاسم وسلم عليها باليد..

سلمان:ياك ماصدعتك؟

ميراي:بينسوغ لا...جلس..

جلسو وهي تشوف في الخدامة زعما تجيب الضيافة وشافت فيه مبتاسمة...

ميراي:فرحت بشوفتك...كفاش عرفتي فين ساكنة؟

سلمان:ياك جيت قبل نسيتي..

ميراي:هههه عندك الحق والله لانسيت..

سلمان:كيف عاملة أمورك؟

ميراي:بأفضل احوال...ووليت أم...

سلمان:هههه مبروك لالة..يمكن غبرت بزاف حتى انك ولدتي ههه..

ميراي:وييه...بعدا نتا لاباس علك؟

سلمان:بأفضل احوال...جيت فقط نسول فك...حتى من ختي دائما كاتسولني علك...

ميراي:اووه بصح...انا والله لا حشمانة منها على لي وقع بيني وبين راجلي قدامها...انا يمكن كنت كنتوحم وماحسيتش براسي اش كندير..

سلمان:كتوقع ماشي مشكيل حتى هي مامقلقة ماوالو بالعكس فرحانة لكم...

ميراي:سلم عليها بزاااف...وخليها تجي عندي مرة خرى..

سلمان:ان شاء الله...وقولي ليا...صافي سيرة للسبور ضربتي عليها؟

ميراي:كفاش زعما؟نرجع كندرب؟

يتبع...